Description
-
Alexandre IV (1254-1261)
-
Fidelibus omnibus, qui ad sacras Ædes FF. Fanen. perficiendas opem contulerint, de injuncta sacramen. pœnitentia 40. d. relaxat. (Ex Autographo Conventus S. Francisci Civitatis Fani, & ex Memor. Histor. Civitatis ejusdem a Petro Maria Amiani anno 1751. publicatis par. 2. prope finem inter Monumenta Mss. pag. li.)
-
Anno 1255. die 27. Aprilis.
-
1255
-
ALEXANDER &c.
Universis Christifidelibus præsentes Litteras inspecturis Salutem, & Apostolicam Benedictionem.
Quoniam, ut ait Apostolus &c.a Sane dilecti filii ... Minister, & Fratres Ordinis Fratrum Minorum Fanen.b ibidem, sicut accepimus, Ecclesiam cum aliis ædificiis suis usibus opportunis cœperunt construere, in qua Divinis possint laudibus deservire. Cum itaque pro hujusmodi ædificiis consummandis Fidelium indigeant juvari subsidiis &c.c Omnibus vere pœnitentibus & confessis; qui eisdem pro dicti consummatione operis manum porrexerint adjutricem, quadraginta dies de injuncta sibi pœnitentia misericorditer relaxamus: Præsentibus post decennium minime valiturisd.
Datum Neapoli v. Kalendas Maji, Pontificatus Nostri Anno Primoe.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°XLIX., pp.41-42
-
(a) Ait Apostolus &c.: Ut in Bulla 44. die 16. Aprilis edita pro Cœnobio Castiniani.
-
(b) Fanen.: Qui locus caput est Custodiæ sui nominis in antiquo Provinciali Ordinis apud Autorem Polychronici, & Barthol. Pisanum Conform. xi., de eoque agit Waddingus in Annal. Min. ad ann. 1235. n. 35. & 1399. n. 18., ubi has litteras commemorat.
-
(c) Subsidiis &c.: V. Bullam 44. supra citatam.
-
(d) Primus Fratrum locus erat ad S. Mariam de Ponte Metauri a S. P. Francisco anno 1219. acceptus extra Civitatem, ut vetusta Civium traditio fert; circa annum vero 1235. hospitium in Civitate collatum fuit, ubi anno 1255. novum Fratres Conventum excitare cœperunt cum Ecclesia S. Juliano dicata, quem hucusque incolunt nostri FF. Minores Convent., veteri S. Mariæ de Ponte Metauri ob aeris gravedinem relicto, & cursu temporis anno nimirum 1455. FF. Minoribus Regul. Observantiæ concesso, teste Petro Ant. Amiani in Mem. Hist. Civitatis Fanen. ad ann. 1215. & 1455.
-
(e) De hoc Cœnobio extat alia epistola 167. anno sequenti data, & in eo Fr. Salimbene Adam Parmensis Religionis tirocinium posuit anno 1238., ut ipsemet testatur in suo Chronico MS. pag. 246.
Informations
Document
bullarium-franciscanum
admin
(IRHT), dans
Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 152932 (bullarium-franciscanum-1019), http://telma.irht.cnrs.fr/chartes/en/bullarium-franciscanum/notice/152932 (mise à jour : 26/01/2021).