Description
-
Innocent IV (1243-1254)
-
Ut de bonis sua industria acquisitis juxta pium desiderium disponere valeat. (Regestum Vatic. epist. 567. anno 11.)
-
Anno 1254. die 28. Martii.
-
1254
-
INNOCENTIUS &c.
Venerabili Fratri Oddoni a Archiepiscopo Rothomagensi Salutem, & Apostolicam Benedictionem.
Operis evidentia declarante, quod tu in amore virtutum, & Religiosæ vitæ observantia studiosus ad hoc ferventer invigilas, ut Divinæ placeas Majestatis oculis pro acquirenda gloria perpetuæ claritatisb; Sedi Apostolicæ delectabile redditur, ut te in hac parte optati favoris munere prosequatur. Cum itaque tu pro augendo cultu Divini Nominis aliqua de bonis immobilibus per tuam industriam rationabiliter acquisitis, ac in posterum acquirendis cupias, sicut asseris, conferre Rothomagensi Ecclesiæ, ac aliis piis locis. Nos tuis supplicationibus annuentes, ut de bonis ipsis juxta tuum pium desiderium provide ordinare, ac disponere valeas, prout secundum Deum expedire videris, Fraternitati tuæ auctoritate præsentium concedimus facultatem.
Datum Laterani v. Kalendas Aprilis Pontificatus Nostri Anno Undecimoc.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°DXXXV., p.716
-
(a) Ven. Fratri Oddoni: Paulo superius memorato.
-
(b) Gloria perpetuæ claritatis: Et sane ex religiose composita vita, & piis instructionibus ad bene, beateque vivendum
Oddocognomen sortitus est Regula vivendi; ut ex pluribus & antiquis Scriptoriribus notavit Waddingus ad ann. 1276. n. 5. -
(c) Aliam epistolam Pontifex eidem dedit hoc anno die 6. Maji eodem exemplo, & argumento, quæ in Reges. Vatic. est. 614., sed post illa verba:
concedimus facultatem: adjecit: juramento, quod fecisti, de non alienandis bonis tuis immobilibus ad mensam tuam spectantibus non obstante. Datum Assisii ii. Nonas Maji Pontificatus nostri anno undecimo.