Description
-
Innocent IV (1243-1254)
-
De eadem re Episcopo Cameracensi, ut Episcopum in possessionem inducat, & inductum defendat. (Ex Regesto Vaticano epist. 547. an. 11.)
-
Anno 1254. die 18. Martii.
-
1254
-
INNOCENTIUS &c.
Licet ex illo generali privilegio, quo &c.c Ideoque mandamus, quatenus dictum Episcopum auctoritate nostra per te, & per alios in ejusdem Ecclesiæ Lubicensis, & pertinentiarum ejus tam in spiritualibus, quam in temporalibus corporalem possessionem inducas, & defendas inductum: Invocato ad hoc, si opus fuerit, auxilio brachii secularis: contradictores per censuram Ecclesiasticam appellatione postposita compescendo: Non obstantibus quod tibi super facienda provisione de ipsa Lubicensi Ecclesia præfato Episcopo nostras sub certa forma direxerimus litterasd; & processibus per quemcumque habitis per easdem; & quod reservavimus nostræ, aut tuæ donationi Episcopatum eumdem jamdicto Fratri Johanni Episcopo conferendum; & quod decrevimus ex tunc irritum, & inane, si secus in ejusdem Episcopi præjudicium a quoquam contingeret attemptari; & si aliqui de Capitulo Lubicensi ad electionem futuri Episcopi; aut ad alia postmodum, antequam de mandato nostro revocata esset concessio facta prænominato Archiepiscopo, auctoritate propria processerunt; & si postea dictum Capitulum, vel eorum aliqui ad Sedem Apostolicam appellarunt, si appellationem suam non sint juxta Constitutionis nostræ tenorem aliquatenus prosecuti; & si prædictis Archiepiscopo, & Capitulo, seu quibuslibet aliis communiter vel divisim est ab ipsa Sede indultum, quod interdici, suspendi, & excommunicari, seu extra Civitates, & Diœcesim, aut Provinciam suas trahi non possint per litteras Apostolicas non facientes plenam, & expressam de indulto hujusmodi mentionem; & qualibet alia dictæ Sedis indulgentia, cujuscumque tenoris existat; & quibuslibet litteris, seu indulgentiis impetratis, vel impetrandis in posterum a Sede prædicta, per quas hujusmodi provisionis negocium impediri valeat, vel differri; & de quibus in præsentibus mentio fieri debeat specialis; nec non & Constitutione de duabus Dietis edita in Concilio generalie.
Datum Laterani xv. Kalendas Aprilis, Pontificatus Nostri Anno Undecimo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°DXXX., p.713
-
(a) Ven. Fratri ‥: Nicolao Fontanæ, de quo Sanmarthan. in Gallia Christiana, & nos in not. ad epist.
Olim exponente &c. -
(b) Episcopo Cameracensi: Vulgo
Cambrayin Belgio, ut ad dictam epistolam. -
(c) Quo &c.: Ut in superiore
Bullausque ad illa duximus confirmandum; al.auctoritate Apostolica confirmamus. -
(d) Direxerimus Litteras: An. 1253. incip.
Olim exponente &c.die 5. Junii scriptas. -
(e) In Concilio Generali: Lateranensi IV. anno 1215. c. 37.