« bullarium-franciscanum-817 »

INNOCENTIUS &c.

Dilectis in Christo filiabus Abbatissæ, & Sororibus Monasterii Sanctæ Mariæ Montis Sancti Tudert. a Ordinis Sancti Damiani Salutem, & Apostolicam Benedictionem.

Litteras felicis recordationis Honorii Papæ b Prædecessoris nostri super confirmatione cujusdam diffinitivæ sententiæ inter quondam … Abbatem S. Leucii Tudertin. ex parte una, & Presbyterum Franciscum Priorem Ecclesiæ S. Joannis in plano, & alios Presbyteros quamplurium Ecclesiarum ex altera promulgatæ, quas vobis ad vestrarum conservationem jurium opportunas asseritis, diligenter vidimus, & earum tenorem Venerabilis Fratris nostri ‥c Ostien., & Velletren. Episcopi precibus inclinati sub Bulla nostra de verbo ad verbum annotari fecimus, qui est talis.

“Honorius Episcopus Servus Servorum Dei dilecto filio ‥ Abbati S. Leucii d Tudertin. Salutem, & Apostolicam Benedictionem. Solet annuere Sedes Apostolica piis votis, & honestis petentium precibus favorem benevolum impertiri. Ex parte siquidem tua Nobis fuit humiliter supplicatum, ut diffinitivam sententiam, quam dilectus Filius Magister Gratia Cappellanus noster a Nobis in causa, quæ inter te nomine ipsius Monasterii tui ex parte una, & Franciscum S. Joannis in Plano, & Joannem S. Mariæ de Gradell. Priores, Ægidium S. Laurenti de Loreto, Marcum S. Xisti, Hieronymum Sancti Jacobi de Coti, Tudinum Sancti Ylarii, & Benencasam Sancti Laurentii de Pulliano Presbyteros Tudertin. Ecclesiarum suarum nomine super procurationibus, & rebus aliis ex altera vertebatur, concessus Auditor, ipsius causæ meritis plenius intellectis, de mandato nostro habito prudentum consilio, quoad possessorium promulgavit, auctoritate dignaremur Apostolica roborare. Nos igitur tuis justis precibus gratum impertientes assensum, sententiam ipsam justitia exigente prolatam, cujus tenorem de verbo ad verbum præsenti paginæ jussimus annotari, auctoritate Apostolica confirmamus, & præsentis Scripti patrocinio communimus. Tenor autem sententiæ est talis.

In Nomine Domini Amen.

“Causa, quæ vertitur inter Abbatem S. Leucii Tudertin. nomine ipsius Monasterii ex una parte, & Presbyterum Franciscum Priorem Ecclesiæ Sancti Joannis in Plano pro ipsa Ecclesia, Presbyterum Ægidium Sancti Laurentii de Loreto pro ipsa Ecclesia, Presbyterum Marcum Ecclesiæ sancti Xisti pro ipsa Ecclesia, Presbyterum Hieronymum Ecclesiæ sancti Jacobi de Coti pro ipsa Ecclesia, Dominum Joannem Priorem Ecclesiæ Sanctæ Mariæ de Gradell. pro ipsa Ecclesia, Presbyterum Tudinum Ecclesiæ sancti Ylarii pro ipsa Ecclesia, & Presbyterum Benincasam Ecclesiæ sancti Laurentii de Pulliano pro ipsa Ecclesia ex altera, commissa fuit a Sede Apostolica … Episcopo Spoletano,e … Priori de Criptis Tudertin. Diœc., & S. Subdiacono Domini Papæ Canonico Tudert.; & mandatum fuit eis, quod causam deciderent, si de partium procederet voluntate; alioquin ipsam sufficienter instructam ad Apostolicam Sedem remitterent, præfigentes partibus terminum, quo Apostolico se conspectui præsentarent. Causa verò talis est: Petit quidem Abbas a prædictis Clericis, ut honorificè recipiant Abbatem sancti Leucii cum sociis suis, Monachos, & alios Nuncios Monasterii; & procurentf, cum iverint ad dictas Ecclesias: Item ut Abbas repræsentet, & ponat ibi Monachos, vel alios Clericos; & positi promittant eidem Abbati obedientiam, & reverentiam: Item petit adjutorium pro Procuratoribus Domini Papæ, & Legatorum ejus; & quando Abbas vadit ad Curiam Romanam: Item petit collationes in die vocabuli Ecclesiarum: Item petit annuatim turtas, oleum a quibusdam, frumentum, & caseatasg: hæc petit Abbas sibi præstari sicut a suis obedientiish. Super hoc libello fuit inter partes lis legitimè contestata coram Episcopo Spoletano, & conjudicibus suis, & testes ex parte Abbatis producti; & confessiones hinc inde factæ. Hanc causam remiserunt prædicti Judices ad Apostolicam Sedem instructam; sicut in ipsorum litteris continetur, præfigentes partibus terminum Purificationem S. Mariæ proximè præteritam, quo Apostolico se conspectui præsentarent, quibus Dominus PP. me Magistrum Gratiam Auditorem concessit. Abbate vero in termino comparente, & moram usque nunc in Curia faciente, adversarios ejus ad cautelam peremptoriè bis citavi, sed ipsi nec venire, nec mittere curaverunt. Ego autem Magister Gratia de mandato Domini Papæ habito consilio sapientum, examinatis universis actis, & intellectis diligenter, quia prædicti Clerici per contumaciam sunt absentes; & causa quoad omnia sufficienter instructa remissa non fuit; & de proprietate mihi ad plenum non liquet; prædictorum Clericorum absentia Dei præsentia repleta; Abbati nomine Monasterii in prædictis Ecclesiis petitorum veram possessionem, & quasi possessionem adjudico; salva quæstione proprietatis absentibus. Lata est hæc sententia apud Sanctum Petrum in Palatio Domini Papæ anno Domini Mccxviii., vi. Kalendas Junii Indictione vi. Pontificatus Domini Honorii PP. III. Anno secundo. Ad cujus rei evidentiam, & cautelam hoc præsens scriptum feci mei sigilli munimine roborari. Testes verò sunt Episcopus Caputaquensisi, Dominus Benedictus, Dominus Lucas, Hugo, & multi alii. Nulli ergo omnino hominum liceat hanc paginam nostræ confirmationis infringere, vel ei ausu &c. Datum Romæ apud sanctum Petrum Tertio Idus Junii Pontificatus Nostri Anno Secundo.

Volumus autem per annotationem hujusmodi nullum acquiri vobis jus novum; sed conservari dumtaxat antiquum.

Datum Perusii Idibus Octobris Pontificatus Nostri Anno Decimo.