Description
-
Innocent IV (1243-1254)
-
Ut Mediolanensibus proroget tempus solvendæ pecuniæ Romanæ Ecclesiæ debitæ. (Ex Regesto Vatic. epist. 122. anno 10.)
-
Anno 1252. die 24. Septembris.
-
1252
-
INNOCENTIUS &c.
Venerabili Fratri a … Archiepiscopo Mediolanensi Salutem, & Apostolicam Benedictionem.
Ad supplicationem ‥ Potestatis, & Communis Mediolani tibi nostris dedimus litterisb in mandatis, ut ipsos ab excommunicationis, & interdicti sententia lata in eos, sive per Legatos, seu per Nuncios Apostolicæ Sedis, aut Subdelegatos eorum pro eo, quod quamdam summam pecuniæ, in qua Ecclesiæ Romanæ tenentur, statuto termino non solverunt, absolvens juxta formam Ecclesiæ vice nostra terminum solutionis ipsius pecuniæ prorogares eis usque ad initium Quadragesimæ proximò nunc futuræ. Verum quia ex parte ipsorum Nobis extitit humiliter supplicatum; ut ad hoc majorem dilationem concederemus eisdem, mandamus, quatenus usque ad Festum Pentecostes proximè venturumc proroges ipsis terminum solutionis pecuniæ memoratæ; ipsos, nisi tunc eam solverint, in eamdem sententiam redditurus.
Datum Perusii viii. Kalend. Octobris Pontificatus Nostri Anno Decimo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CDXXX., p.626
-
(a) Ven. Fratri: Leoni Ord. Min., ut ex superioribus epistolis.
-
(b) Nostris dederimus litteris: Die 4. hujus mensis, & anni paulo ante relatis.
-
(c) Pentecostes proxime venturum: Nimirum diem 8. Junii, quo anno 1253. festum illud celebratum fuit, ut in not. ad epist.
Supplicationibus &c.hoc anno die 4. hujus mensis Septembris datam.