« bullarium-franciscanum-803 »

Document | bullarium-franciscanum/notice/152263
plus d'informations

Description

  •  
    Innocent IV (1243-1254)
  •  
    Ut Mediolanenses pro non soluta statuto termino pecunia Romanæ Ecclesiæ debita excommunicatione ligatos absolvat ad tempus. (Ex Regesto Vatic. epist. 90. anno 10.)
  •  
    Anno 1252. die 4. Septembris.
  •  
    1252

  •  

    INNOCENTIUS &c.

    Venerabili Fratri a … Archiepiscopo Mediolanensi Salutem, & Apostolicam Benedictionem.

    Supplicationibusb … Potestatis, & Communis Mediolanen. inclinati Fraternitati tuæ præsentium auctoritate mandamus, quatenus ipsos ab excommunicationis sententia lata in eos sive per Legatos, seu Nunciosc Apostolicæ Sedis, aut Subdelegatos eorum, pro eo quod quamdam summam pecuniæ, in qua Ecclesiæ Romanæ tenenturd, statuto termino non solverunt, absolvens juxta formam Ecclesiæ vice nostra terminum solutionis ipsius pecuniæ proroges eis usque ad initium Quadragesimæ proximò nunc futuræe; ipsos, nisi tunc eam solverint, in eamdem sententiam inducturus.

    Datum Perusii ii. Nonas Septembris Pontificatus Nostri Anno Decimo.
  •  
    Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CDXXVIII., p.625
  •  
    (a) Ven. Fratri ‥: Léoni e Perego Mediolanen. O. M., ut supra.
  •  
    (b) Supplicationibus …: Gerardi Rangoni Mutinensis, qui cum plurium Civítatum Italiæ Prætor, seu Potestas, uti loquebantur, extitisset; anno superiore, cum Innocentius Papa Mediolani esset, quo pervenerat nonis Julii, factus est illius Civitatis Prætor, eoque Duce capta est Civitas Laudensis die 6. Augusti: sed hoc anno ob necem S. Petri Mart. O. P. cum auctor necis in carcerem Mediolani trusus fuisset, illeque inde evasisset; plures cum Prætore in suspicionem fugæ occisoris venerunt, ut Prætor ipse pene periculum vitæ adierit, a quo liberatus, rerumque mundanarum pertæsus Ordinem Fratrum Minorum ingressus est, & anno 1254. morabatur Ferrariæ; uti dicetur in not. ad Bullam Alexandri IV. Solet annuere &c. anno 1256. die 9. Februarii exaratam.
  •  
    (c) Legatos, seu nuncios: Nomine non tantum, quantum officio, & auctoritate distinctos.
  •  
    (d) Ecclesiæ Romanæ tenentur: Quà de causa, & quanti staret eorum debitum in Eccles. Annal. altum est silentium.
  •  
    (e) Nunc futuræ: Nempe die 5. Martii, quo anno 1253. initium erat Quadragesimæ, cum eo anno Pascha in diem 20. Aprilis inciderit, etsi eumdem terminum prorogandum edixerit per litteras Ad supplicationem &c. paulo post nempe die 24. hujus mensis datas.

Informations

Document
bullarium-franciscanum admin (IRHT), dans  Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 152263 (bullarium-franciscanum-803), http://telma.irht.cnrs.fr/chartes/en/bullarium-franciscanum/notice/152263 (mise à jour : 15/12/2020).
http://telma.irht.cnrs.fr/chartes/en/bullarium-franciscanum/notice/152263
bullarium-franciscanum/notice/152263
XML  JSON