Description
-
Innocent IV (1243-1254)
-
Exponuntur gravamina Fratribus Minoribus imposita a nonnullis Prælatis Eccles., quos admonet, nisi desistant, per Censuram Ecclesiasticam compellendos. (Ex Authographo Archivi Conventus Sancti Francisci Bononiensis.)
-
Anno 1252. die 15. Maji.
-
1252
-
INNOCENTIUS &c.
Venerabilibus Fratribus Archiepiscopis, & Episcopis, ac dilectis Filiis Abbatibus, Prioribus, Decanis, Archidiaconis, Archipresbyteris, Præpositis, & aliis Ecclesiarum Prælatis per Lombardiam, & Romandiolam constitutis Salutem, & Apostolicam Benedictionem.
Nimis iniqua &c.a (usque) multipliciter inquietant, molestiarum occasiones exquirentes varias contra ipsos. Volunt namque, & si non omnes &c. (usque) ab eorum Ministris, & Custodibus exigentes. Eis quoque, ut tam extra Civitates, quam intra &c. (usque) Ministros, & Custodes volunt præficere pro suæ arbitrio voluntatis. Cum igitur Ordo prædictorum Fratrum a bonæ memoriæ Incentio, Honorio, & Gregorio Prædecessoribus Nostris, & Nobis ipsis dignis eorum sit exigentibus meritis approbatus, & ipsorum Regula confirmata; ne Apostolicæ Sedis Statuta, quæ humiliter suscipere, & reverenter servare tenemini, contemnere videamini; Universitatem vestram monemus attentè, per Apostolica vobis Scripta præcipiendo mandantes, quatenus conscientiæ, & famæ vestræ salubriter consulentes, universi, & singuli a prænotatis, & aliis prædictorum Fratrum gravaminibus penitus desistatis, subditos vestros ab iis arctius compescendo. Alioquin Venerabili Fratri nostrob ‥ Bononien. Episcopo, & dilecto filioc ‥ Electo Ravennatensi nostris damus litterisd firmiter in mandatis, ut vos ad omnia supradicta servanda, monitione præmissa, auctoritate nostra, sublato cujuslibet contradictionis, & appellationis impedimento compellant. Non obstante Constitutione de duabus Dietis edita in Concilio Generalie. Si verò nec sic mandatis nostris curaveritis obedire, noveritis Nos super hoc memoratis Fratribus aliter, Auctore Domino, provisuros.
Datum Perusii Idibus Maii Pontificatus Nostri Anno Nono.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CDIX., p.609
-
(a) Iniqua &c.: Ut in Bulla Innocentii IV. anno 1245. dia 21. Julii edita, quæ supra consuli poterit.
-
(b) Fratri nostro: Jacobo Boncambio Bononiensi ex Ordine Prædicatorum assumpto, de quo Ughellus tom. 2. Italiæ sacræ, & Scriptores illius Ordinis agunt.
-
(c) Filio ‥: Philippo Fontanæ Ferrariensi, qui anno 1250. ex Electo Ecclesiæ Florentinæ translatus est ad Ravennat. Sedem moderandam; & cujus magna cum laude mentio extat in Annal. Eccles. Raynaldi, & apud Scriptores Ferrarien., aliosque.
-
(d) Nostris damus litteris: Nempe die 18. Julii hoc anno, ut infra.
-
(e) In Concilio generali: Lateranensi IV. anno 1215. ab Innocentio iii. celebrato cap. 37.