Description
-
Innocent IV (1243-1254)
-
Confirmat concessionem Cappellæ Sancti Leonis Fratribus Firmanis ab Episcopo illius Civitatis factam. (Regest. Vatican. epist. 138., & Waddingus in Regesto Pontif. num. 94.)
-
Anno 1252. die 25. Aprilis.
-
1252
-
INNOCENTIUS &c.
Dilectis Filiis Guardiano, & Conventui Fratrum Minorum Firmanæ Diœcesis a Salutem & Apostolicam Benedictionem.
Exhibita Nobis pro parte vestra petitio continebat, quod bonæ memoriæ Firmanus Episcopusb Cappellam Sancti Leonis Firman. eidem Episcopo lege Diœcesana subjectam, Abbatis Monasterii Sancti Savini Firman., ad quem illius Cappellæ institutio pertinebat, accedente consensu, ad usum vestrum pia ac provida liberalitate concessit; fundandi Cappellam aliam tibi, Fili Guardiane, ad opus Parochianorumc primæ Cappellæ, ubicumque infra fines prædictæ Parochiæ dictæ Cappellæ Sancti Leonis foret utilius, ac ponendi primarium lapidem in ipsa uberem tribuens facultatem; prout in Instrumentod confecto exinde dicitur plenius contineri. Vestris itaque supplicationibus inclinati, quod super hoc ab eodem Episcopo piè, ac providè ordinatum est, & concessum, ratum habentes, & gratum, illud auctoritate Apostolica confirmamuse. Nulli ergo omnino hominum liceat hanc paginam nostræ confirmationis infringere, vel ei ausu temerario contraire. Si quis &c.
Datum Perusii viii. Kalendas Maii Pontificatus Nostri Anno Nono.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CDV., pp.606-607
-
(a) Firmanæ Dioecesis: Refert Waddingus ad ann. 1240. num. 23. cum Firmi Fratres Minores idoneum commorandi locum non haberent, illius urbis Episcopum Capellam S. Leonis eidem lege Diœcesana subjectam cum domibus, platea, ac hortis circum jacentibus pro eorumdem habitatione concessisse ad preces Cardinalis Ostien. Episcopi Ordinis Protectoris, & ex consensu Abbatis S. Savini, ad quem ipsius Capellæ institutio pertinebat; nec non Patronorum ejusdem Capellæ; ad quos suas dedit litteras suasorias Pontifex: donationem hanc confirmasse cum præscriptis conditionibus; & quoscumque defectus supplevisse Gregorium IX. suis litteris incipientibus:
Cum a nobis petitur &c.dat.xvi.Kalendas Julii anno xiv., quod est an. 1240. quas tamen non exscripsit, nec vulgavit; nos vero supra edidimus n. 304. Greg. -
(b) Firmanus Episcopus: Philippus circa ann. 1250. defunctus ex Ughello tom. 2. Ital. sac.
-
(c) Ad opus Parochianorum: Ex quibus discimus
Capellamillam S. Leonis fuisse Parœciam; datamque fuisse Fratribus cum onere fundandi aliam Capellam intra fines tamen Parœciæ S. Leonis. -
(d) Instrumento: Quod non habetur saltem publicatum.
-
(e) Confirmamus: Mirum esse poterit nonnullis, in hac epistola nullam fieri Gregorii IX. confirmationis mentionem.