Description
-
Innocent IV (1243-1254)
-
Ne decimas solvant ex hortorum fructibus; utque suis famulis Sacramenta Eccles. ministrent, & sepulturam tribuant: (Ex ipso autographo apud Waddingum in Regest. Pontif. num. 73. edit. 2.)
-
Anno 1250. die 22. Februarii.
-
1250
-
INNOCENTIUS &c.
Dilectis Filii, Generali, & Provincialibus Ministris, ac aliis Fratribus Ordinis Fratrum Minorum Salutem, & Apostolicam Benedictionem.
Qui Deum tota mente diligitis, & animarum profectui continua diligentia desudatis, debetis ad condignam gratiam experiri promptam, & facilem Sedis Apostolicæ pietatem. Cum igitur humilitas vestra sibi de latitudine Orbis Terræ nihil præter domos, & hortos cum virgultis, præmiorum obtentu cælestium, ad usum suum duxerit servandum; Nos piè volentes, quod illorum fructus integrè vestræ paupertatis usibus applicentur, ut de hortis, & virgultis vestris usibus deputatis, nullus a vobis Decimas exigere, vel extorquere præsumat, auctoritate præsentium districtius inhibemusa. Ceterum ut ii, qui vestris immorantur obsequiis, divinæ intuitu pietatis, quod in salutem animarum vertitur, de vestris manibus assequantur, vobis de speciali gratia indulgemus, ut eis liberè cuncta ministrare possitis Ecclesiastica Sacramenta; & eosdem, cum decedunt, in vestris Cœmeteriis sepelire. Nulli ergo omnino hominum liceat hanc paginam nostræ concessionis, & Constitutionis infringere &c.
Datum Lugduni viii. Kalendas Martii. Pontificatus Nostri Anno Septimob.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCCXV., p.537
-
(a) Inhibemus: Hoc privilegio jam Fratres fruebantur per Constitutiones Nimis iniqua &c., &
Nimis prava &c.Gregorii IX., & ipsius Innocentii IV. superius relatas. -
(b) Hoc privilegium citatur ab antiquo Scriptore Bartholomæo Pisano Conform.
ix.post expositionem Regulæ Fratrum Minorum §. Sexto.