« bullarium-franciscanum-492 »

INNOCENTIUS &c.

Dilectis Filiis … Novarien., … de Dolzano, & … de Insula Novarien. Diœcesis a Ecclesiarum Præpositis Salutem, & Apostolicam Benedictionem.

Dilectis Filiis Syndico hominum Burgi, & Castellantiæb de Varisio c Mediolanensis Diœcesis, & Octone dicto Vicecomited Procuratore Venerabilis Fratris nostrie … Archiepiscopi Mediolanen. in nostra præsentia constitutis, idem proposuit Syndicus, quod dictus Archiepiscopus post appellationem ad nos legitimè interpositam in eosdem homines excommunicationis, & in terram ipsorum interdicti sententias promulgavit; quare petebat a nobis ad cautelam dictas sententias relaxari. Ex adverso vero Procurator petiit memoratus, quod cum præfatus Archiepiscopus in ipsos, & terram eorum easdem sententias exigente justitia promulgaverit, pro eo quod absque sui licentia & consensu sibi Rectores, vel Consules eligentes ipsum Archiepiscopum possessione, vel quasi honoris, & districtus dicti Burgi, & Castallantiæ, in qua idem tunc temporis erat, & tam ipse, quam prædecessores ejus fuerunt, contra justitiam spoliarant; sententias ipsas robur faceremus firmitatis debitum obtinere. Licet igitur eisdem Syndico, & Procuratori dilectum Filium nostrum J.f Sancti Nicolai in carcere Tulliano Diaconum Cardinalem concesserimus Auditorem; quia tamen per ea, quæ coram ipso acta fuerunt, non potuit plenè de veritate liquere; mandamus, quatenus relaxantes dictas sententias juxta formam Ecclesiæ ad cautelam, recepta prius sufficienti cautione a jam dictis hominibus de stando juri coram vobis super omnibus, pro quibus eædem sententiæ, & eas contingentibus sunt prolatæ, partibus convocatis, faciatis tam super principali, quam accessoriis porrigendis litem infra duos menses post receptionem præsentium contestari; & auditis hinc inde propositis, post receptionem prædictam infra octo menses hujusmodi negotium, si de partium voluntate processerit, sine debito terminetis; facientes, quod decreveritis, auctoritate nostra firmiter observari. Alioquin infra eumdem terminum, ipsum sufficienter instructum ad examen Apostolicum remittatis, injuncto partibus, ut infra terminum ipsum, quem eis peremptorium assignetis, per Procuratores idoneos compareant coram Nobis justam auctore Deo, sententiam recepturæ. Quod si forsan infra prædictos menses propter ipsorum hominum diffugia super præmissis, vel aliquo prædictorum, licet non fuerit contestata; nihilominus ex tunc super iis ad testium, & aliarum probationum receptionem de plano, & sine judicii strepitu procedatis; ac dictum negotium infra idem spatium instructum ad Sedem Apostolicam remittentes partibus injungatis, ut infra illud compareant coram Nobis. Nolumus autem, quod per hujusmodi testium, & probationum receptionem sæpedictis hominibus super petitionibus, vel articulis, super quibus coram Nobis legitime monstrare poterunt, litis contestationem non debere fieri, præjudicium aliquod generetur. Testes autem, qui fuerint nominati, si se gratia, odio, vel timore subtraxerint, censura simili, appellatione postposita, compellatis veritati testimonium perhibere. Quod si non omnes iis exequendis interesse potueritis, duo vestrum ea nihilominus exequantur.

Datum Lugduni iii. Nonas Januarii Pontificatus Nostri Anno Tertio.