« bullarium-franciscanum-469 »

Document | bullarium-franciscanum/notice/151929
plus d'informations

Description

  •  
    Innocent IV (1243-1254)
  •  
    Monasterium Pampilonense S. Gratiæ Ordinis S. Damiani suscipit sub protectione Sedis Apostolicæ, & eximit ab Ordinariorum jurisdictione. (Reges. Vatic. epist. 256. apud Waddingum in Reg. Pontif. n. 26.)
  •  
    Anno 1245. die 18. Septembris.
  •  
    1245

  •  

    INNOCENTIUS &c.

    Dilectis in Christo Filiabus Abbatissæ, & Conventui Monialium inclusarum Monasterii quondam S. Mariæ, nunc S. Gratiæ Pampilonen. Ordinis S. Damiani Salutem, & Apostolicam Benedictionem.

    Cum mortuæ mundo vivatis in Christo reclusæ, videlicet in Monasterio, in quo estis quasi vivæ sepultæ, posita sufficientia vestra tantum in Domino, pro cujus amore terrenam substantiam cum sæculo abnegastis; dignum videtur, & pietas hoc requirit, quod sic debeamus vestræ providere quieti, ut ab inquietitudine liberæ liberiùs valeatis Divinis obsequiis inhærere. Hinc est, quod ad Religionem vestram debitum habentes respectum, vestrisque supplicationibus annuentes ad instar fel. rec. Gregorii Papæa Prædecessoris nostri personas, & Monasterium vestrum cum omnibus suis sub Beati Petri, & nostra protectione suscipimus; & præsentis scripti patrocinio communimus; auctoritate præsentium statuentes, ut vos, & dictum Monasterium nulli debeatis, nisi Sedi Apostolicæ subesse, Sacramentis dumtaxat Ecclesiasticis, & una libra ceræ annuatim in Festo Assumptionis Beatæ Virginis persolvenda Diœcesano Episcopo reservatis; Si tamen ea gratis vobis sine pravitate aliqua idem Episcopus voluerit exhibere; alioquin liceat vobis quemcumque malueritis Catholicum Antistitem, gratiam, & communionem Apostolicæ Sedis habentem, qui nostra fretus auctoritate vobis, quod postulatur, impendat. Ad inditium autem hujus perceptæ a Sede Apostolica libertatis, unam libram ceræ nobis, nostrisque Successoribus annis singulis persolvetis. Decernimus ergo, ut nulli omnino hominum liceat &c.b.

    Datum Lugduni xiv. Kalendas Octobris, Pontificatus Nostri Anno Tertioc.
  •  
    Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°XCIV., p.380
  •  
    (a) Gregorii Papæ: Cujus extat privilegium pro hoc Monasterio dat. 1231. 5. April., hinc notum, quo anno, & a quo conditum fuerit hoc Monasterium in Metropoli Regni Navarræ.
  •  
    (b) Liceat &c.: Adeas Bullam hoc anno die 15. Junii pro Monasterio Nursino editam.
  •  
    (c) De hoc Monasterio extant & litteræ anno sequenti die 5. Octobris datæ Ex parte vestra &c., & Cum a nobis petitur &c. 1250. 15. Octobris.

Informations

Document
bullarium-franciscanum admin (IRHT), dans  Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 151929 (bullarium-franciscanum-469), http://telma.irht.cnrs.fr/chartes/en/bullarium-franciscanum/notice/151929 (mise à jour : 15/12/2020).
http://telma.irht.cnrs.fr/chartes/en/bullarium-franciscanum/notice/151929
bullarium-franciscanum/notice/151929
XML  JSON