Description
-
Grégoire IX (1227-1241)
-
Veniam peccatorum concedit Fratribus Minor., & Prædicat. Ordinum inter Paganos, Saracenosque trans mare verbo, & exemplo proficientibus, ut Crucesignatis. (Ex Regesto Vatic. epist. 446., & ex Bullario Ordinis Prædicatorum tom. 1. Bul. 177. Gregorii IX.)
-
Anno 1237. die 4. Martii.
-
1237
-
GREGORIUS &c.
Dilectis filiis universis Fratribus Minoribus, & Prædicatoribus Salutem, & Apostolicam Benedictionem.
Credentes, quod non minus in oculis Redemptoris habeatur acceptum, Infideles ad Fidem Divini verbi propositione convertere, quam armis Saracenorum perfidiam expugnare; vobis, qui in Terra ultramarinaa ad conversionem Paganorum, vel aliorumb, verbo, seu sanctæ laboratis conversationis exemplo, illam concedimus veniam peccatorum, quæ in ejusdem Terræ succursumc venientibus in Generali Conciliod est concessa.
Datum Laterani iv. Nonas Martii Pontificatus Nostri Anno Undecimoe.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXLIX., pp.233-234
-
(a) Terra ultramarina: Nempe Terra Sancta, seu Palæstina, ut ex his, quæ infra dicuntur, ducitur.
-
(b) Vel aliorum: Videlicet Hæreticorum, & Schismaticorum.
-
(c) Ejusdem Terræ succursum: Terræ Sanctæ nimirum, pro ejus enim succursu concessa est Indulgentia in Generali Concilio.
-
(d) Concilio: Nempe Lateranensi IV. an. 1215. sub Innocentio iii. celebrato:
-
(e) Hujus diplomatis meminit Waddingus in Annal. Minor. ad hunc annum num. 23., sed non exscripsit.
Informations
Document
bullarium-franciscanum
admin
(IRHT), dans
Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 151738 (bullarium-franciscanum-278), http://telma.irht.cnrs.fr/chartes/en/bullarium-franciscanum/notice/151738 (mise à jour : 15/12/2020).