« bullarium-franciscanum-199 »

Document | bullarium-franciscanum/notice/151659
plus d'informations

Description

  •  
    Grégoire IX (1227-1241)
  •  
    Prohibet infrascriptis procedere contra Regem Hungariæ sine speciali Sedis Apostolicæ mandato. (Regest. Vatican. epist. 220., & Waddingus in Regesto Pontif. num. 38.)
  •  
    Anno 1235. die 7. Junii.
  •  
    1235

  •  

    GREGORIUS &c.

    Venerabili Fratri Episcopo Bosnen. a , & dilectis filiis Ordinis Fratrum Prædicatorum, & Minorum Prioribus Strigonen. b Salutem, & Apostolicam Benedictionem.

    Cum Venerabilis Frater noster Prænestinus Episcopusc tunc Sedis Apostolicæ Legatus discretioni vestræ commiserit denunciationem sententiarum suarum, quas in charissimum in Christo filium nostrum Andream illustrem Regemd Hungariæ duxerat promulgandase; prædicta vobis auctoritate mandamus, quatenus sine speciali mandato nostro super hoc nullatenus procedatisf.

    Datumg vii. Idus Juniih Pontificatus Nostri Anno Nono.
  •  
    Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CLXXI., pp.164-165
  •  
    (a) Bosnen.: Fr. Joanni Theutonico Ordinis Prædicat., de quo Scriptores illius Ordinis, & cui Pontifex anno superiori die 16. Augusti alias in hac causa litteras scripsit supra relatas.
  •  
    (b) Prioribus Strigonen.: Iisdem scripserat Pontifex anno præcedenti die 16. Augusti pro eadem re hoc titulo: Priori Ordinis Prædicatorum Strigonien. & Ministro Ordinis Minorum in Hungaria: Anno autem 1238. die 9. Augusti pro Crucis in Schismaticos promulgatione: Priori Provinciali Fratrum Prædicatorum de Hungaria, & Ministro Fratrum Minorum Provinciæ Strigonien.; at primæ duæ epistolæ desunt in Bullario O. P.
  •  
    (c) Prænestinus: Jacobus de Pecoraria Placentinus; de quo Ciacconus in S. R. E. Cardinalibus, & Petrus Maria Campi in Hist. Placent.
  •  
    (d) Regem: Et S. Elisabethæ patrem, qui paulo post ex hac vita discessit.
  •  
    (e) Promulgandas: Cum Rex post multos tractatus ad Ecclesiarum jura asserenda, damnaque illis illata resarcienda Sacramento se adstrinxisset, promissaque, & expectationem fefellisset; anathematis vinculo se se irretivit ex Raynaldo ad ann. 1234. n. 36.
  •  
    (f) Procedatis: Prorogatum est enim Regi tempus a Pontifice, ut Ecclesiis satisfaceret duobus millibus marcharum argenti annuatim usque ad quinquennium ex cit. Raynaldo ad annum 1235. num. 26.
  •  
    (g) Datum: Perusii, ut in aliis præcedentibus epistolis, & in sequentibus.
  •  
    (h) vii. Idus Junii: Al. ii. Kalend. Septembris; & sane litteræ ad Regem Andream, quibus ei ad satisfaciendum Ecclesiis prorogavit tempus, datæ dicuntur Perusii ii. Kalend. Septembr. ex Regest. Vatic. epistola 215. apud cit. Raynaldum.

Informations

Document
bullarium-franciscanum admin (IRHT), dans  Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 151659 (bullarium-franciscanum-199), http://telma.irht.cnrs.fr/chartes/en/bullarium-franciscanum/notice/151659 (mise à jour : 15/12/2020).
http://telma.irht.cnrs.fr/chartes/en/bullarium-franciscanum/notice/151659
bullarium-franciscanum/notice/151659
XML  JSON