Description
-
Clément VI (1342-1352)
-
Andream de Calvanico ord. Min., ecclesiae Lesinen. (Lesina in partibus Neapolitanis) praeficit in episcopum.1
-
1352, februarii 15, Avinione.
-
1352
-
Dilecto filio Andreae de Calvanico electo Lesinen.
Ecclesiarum omnium etc. Dudum siquidem bonae memoriae Alberto episcopo Lesinen.a regimini Lesinen. ecclesiae praesidente, nos ... provisionem eiusdem ecclesiae, cum vacaret, ordinationi nostrae ea vice duximus specialiter reservandam etc. Postmodum vero praedicta ecclesia per ipsius Alberti episcopi obitum, qui extra Romanam curiam diem clausit extremum, pastoris solatio destituta, nos ... ad provisionem ipsius ecclesiae celerem et felicem ... paternis et sollicitis studiis intendentes etc.: post deliberationem, quam super his cum fratribus nostris habuimus diligentem, demum ad te ordinis fratrum Minorum professorem, in sacerdotio constitutum, litterarum scientia praeditum, vitae ac morum honestate decorum, in spiritualibus providum et in temporalibus circumspectum ac aliis multiplicium virtutum meritis laudabiliter, prout ex testimoniis fide dignis accepimus, insignitum, direximus oculos nostrae mentis. Quibus omnibus debita meditatione pensatis de persona tua praefatae ecclesiae de dictorum fratrum nostrorum consilio auctoritate apostolica providemus teque illi praeficimus in episcopum et pastorem, curam et administrationem ipsius ecclesiae Lesinen. tibi tam in spiritualibus quam in temporalibus plenarie committendo etc. Datum Avinione XV kalendas martii anno decimo.
In eumdem modum capitulo ecclesiae Lesinen., populo civ. et dioec. Lesinen., archiepiscopo Beneventano, Ludovico regi ac Ioannae reginae Siciliae.b
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°607., pp.264-265
-
Reg. Vat. t. 206 (Clem. VI a. 10, l. 1), f. 52, ep. 80; Wadd. l. c. reg. pont. Clem. VI, p. 2, n. 112.
1 -
(a) Ex ord. Min.; cfr. supra n. 477.
-
(b) Aliis litteris 20 aprilis 1352 datis (l. c. t. 211, f. 271, ep. 1472) S. P. eidem electo indulget, ut munus consecrationis a quocumque antistite recipere valeat, propter quod tamen archiepiscopo Beneventan. nullum imposterum generetur praeiudicium.