Description
-
Clément VI (1342-1352)
-
Fridericum de Retersbecke ord. Min. ecclesiae Scopien. (Usküb seu Skoplje in Albania) praeficit in episcopum.1
-
1351, iunii 8, Avinione.
-
1351
-
Dilecto filio Friderico de Retersbeke electo Scopien.
Regimini universalis ecclesiae etc. Nuper siquidem intellecto, quod ecclesia Scopien. per obitum bonae memoriae Ioannis episcopi Scopien.,a qui extra Romanam curiam diem clausit extremum,b erat pastoris solatio destituta, nos ad provisionem ipsius ecclesiae ... intendentes ... post deliberationem, quam super his cum fratribus nostris habuimus diligentem, demum ad te ordinis fratrum Minorum professorem, in sacerdotio constitutum, litterarum scientia praeditum, religionis zelo conspicuum, vitae ac morum honestate decorum, in spiritualibus providum et in temporalibus circumspectum aliisque multiplicium virtutum meritis insignitum, convertimus oculos nostrae mentis. Quibus omnibus debita meditatione pensatis, de persona tua eidem ecclesiae de dictorum fratrum nostrorum consilio auctoritate apostolica providemus teque illi praeficimus in episcopum et pastorem, curam et administrationem ipsius Scopien. ecclesiae tibi in spiritualibus et temporalibus plenarie committendo etc. Datum Avinione VI idus iunii anno decimo.c
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°586., pp.-256
-
Reg. Vat. t. 206 (Clem. VI a. 10, l. 1), f. 28, ep. 44; Wadd. l. c. reg. pont. Clem. VI, p. 2, n. 99.
1 -
(a) Ex ord. Praed., exeunte anno 1326 vel ineunte anno 1327 promoti. Cfr. Reg. Vat. t. 82, ep. 996, et t. 88, ep. 3274.
-
(b) Cuius bona mobilia et immobilia sibi reservata Clem. VI die 5 martii 1350 Guilelmum archiepiscopum Colonien. petere, exigere, recipere et fideliter conservare iubet, ut de illis utilius et liberius ordinari possit (Reg. Vat. t. 144, f. 248).
-
(c) Die 14 martii 1352, quum ille Fridericus el. per Tilmannum de Nussia can. eccl. Xancten. dioec. Colonien. regimini ecclesiae Scopien. sponte cessisset, S. P. Ioannem Kaiode ord. Er. s. Aug. in episcopum Scopien. promovit (l. c. f. 56, ep. 87).