Description
-
Clément VI (1342-1352)
-
Iacobum de Ioa (Gioa) ord. Min. ecclesiae Litteren. (Lettere in partibus Neapolitanis) praeficit in episcopum.1
-
1349, martii 16, Avinione.
-
1349
-
Dilecto filio Iacobo de Ioa electo Licteren.
Apostolatus officium etc. Dudum siquidem bonae memoriae Petro episcopo Licteren. regimini Licteren. ecclesiae praesidente nos ... provisionem eiusdem ecclesiae ordinationi et dispositioni nostrae et sedis apostolicae ea vice duximus specialiter reservandam etc. Postmodum vero praedicta ecclesia per obitum eiusdem Petri, qui in partibus illis diem clausit extremum, pastoris solatio destituta, nos vacatione huiusmodi fide dignis relatibus intellecta ad provisionem ipsius ecclesiae celerem et felicem ... intendentes ..., post deliberationem, quam super his cum fratribus nostris habuimus diligentem, demum ad te ordinis fratrum Minorum professorem, in sacerdotio constitutum, quem litterarum scientia praeditum, vitae ac morum honestate decorum, in spiritualibus providum et temporalibus circumspectum ac aliis multiplicium virtutum meritis insignitum ex testimoniis fide dignis accepimus, convertimus oculos nostrae mentis. Quibus omnibus debita meditatione pensatis, de persona tua, nobis et eisdem fratribus nostris consideratione praemissorum accepta, praefatae Licteren. ecclesiae de fratrum ipsorum nostrorum consilio auctoritate apostolica providemus teque illi praeficimus in episcopum et pastorem, curam et administrationem illius tibi tam in spiritualibus quam in temporalibus plenarie committendo etc. Datum Avinione XVII kalendas aprilis anno septimo.
In eumdem modum archiepiscopo Amalphitano, capitulo ecclesiae Licteren., clero ac populo civ. et dioec. Licteren., Ioannae reginae Siciliae.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°491., pp.225-226
-
Reg. Vat. t. 187 (Clem. VI a. 7, l. 3), ep. 259; Wadd. l. c. reg. Clem. VI, p. 2, n. 48. Cfr. infra n. 976.
1