Description
-
Jean XXII (1316-1334)
-
Guardiano fratrum Min. Barchinonen. (Barcellona) concedit facultatem absolvendi quosdam Barchinonenses, qui merces vetitas portabant ad soldanum Aegypti.1
-
1321, maii 23, Avinioni.
-
1321
-
Dilecto filio guardiano fratrum ordinis Minorum Barchinonen.
Exhibita nobis Bernardi de Bastida, Iacobi de Villario, Petri Fortuyn, Petri de Vico et Arnaldi de Usay civium Barchinonensium de Guillelmi Lappardi de Balneolis laici Gerundensis dioecesis petitio continebat, quod ipsi dudum contra constitutionem apostolicae sedis ad partes Alexandriae et alias terras Soldani res et merces vetitas diversis detulerunt vicibus et per alios etiam transmiserunt, propter quod excommunicationis et alias poenas in dicta constitutione contentas incurrisse noscuntur. Cum igitur postmodum cives et laicus supradicti super relaxatione sententiae et poenarum praedictarum nostram misericordiam implorantes congruam super hiis satisfactionem impenderint, nos eorum supplicationibus inclinati et ipsorum saluti et statui paterna volentes in hac parte sollicitudine providere, discretioni tuae per apostolica scripta mandamus, quatenus (per te vel alium seu alios) cives et laicum supradictos auctoritate nostra iuxta formam ecclesiae a dicta sententia excommunicationis absolvens eis alias poenas et sententias in eadem ut praedicitur constitutione contentas studeas relaxare. Non obstante etc. Datum Avinione, X kalendas iunii, anno quinto.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°434., pp.207-208
-
Reg. Vat. t. 72, f. 147, ep. 1166.
1