Description
-
Nicolas IV (1288-1292)
-
Potestatem facit ædificandi Ecclesiam, & Cœnobium Lisernone pro Fratribus Ordinis Minorum. ex Vatic. Reges. Pontif. epist. 871. anno 2.
-
Anno 1289. die 13. Decembr.
-
1289
-
NICOLAUS &c.
Nobili Viro Oddoni de Grandisonoa Salutem, & Apostolicam Benedictionem.
Exposuisti Nobis, quòd propter magnæ devotionis affectum, quem ad Sacrum Ordinem Fratrum Minorum te gerere asseris, in loco tuo de Lisernoneb vulgariter nuncupato Lausanen. Diœcesis, qui quidem locus quasi in solitudine constitutus nullam Ecclesiam, vel Cappellam, aut Religiosam domum infra dimidium milliare positam dicitur habere vicinam; Ecclesiam, & domos sumptibus propriis construere, seu ædificare ad honorem Dei, tuæque salutis augmentum desideras, in quibus certus Fratrum ejusdem Ordinis numerus continue perseveret. Nos itaque tuum laudabile, salubreque propositum multipliciter in Domino commendantes, & volentes illud favore prosequi speciali, tuis supplicationibus inclinati tibi construendi, seu ædificandi tuis sumptibus in loco prædicto taliter constituto Ecclesiam, & domos hujusmodi ad opus Fratrum Ordinis supradicti plenam, & liberam præsentium auctoritate concedimus facultatem. Datum Romæ apud Sanctam Mariam Majorem Idibus Decembris, Pontificatus nostri Anno Secundo.
-
Bullarium Franciscanum romanorum pontificum, tomus IV, n°CXCV., p.125
-
(a) De Grandisono: Incolis Granson Helvetiorum Oppido juxta lacum Novicastri ditionis Bernatium, & Friburgentium.
-
(b) De Lisernone: sed in sequenti dicitur de Silernone: Vaddingus vero ad an. 1290. n. 27. Lissordense Cœnobium vocat, & Locum Lisserdonis n. 32. Yserdon oppidum extat ad fluvium Orbe non longe a Grandisono in meridiem; cum verò Minoritica hæc Ædes sub Yserdonis nomine non legatur in veteri Provinciali Ordinis apud Jordani Chronicon, ibi pro eo positum existimamus Grardisonum in Lausanen. Custodia, & Burgundiæ Provincia.