Description
-
Honorius IV (1285-1287)
-
Admonet quomodo gerere se debeant circa ingressum Blanchæ Principis in Monasterium. (Ex Reges. Vatic. epist. 15. apud Waddingum ad hunc ann. num. 13. Regesti Pontif.)
-
Anno 1286. die 26. Octobris.
-
1286
-
HONORIUS &c.
Dilecto Filio … Ministro Fratrum Ordinis Minorum Franciæ, & dilectæ in Christo Filiæ Abbatissæ Monasterii de Humilitate Beatæ Virginis Parisien. Diœcesis Sal., & Apost. Ben.
Litterarum dilectæ in Christo Filiæ Nobilis mulieris Blanchæ natæ claræ memoriæ Ludovici Regis Francorum lacrymosa series adversorum &c.a Vestras itaque conscientias in præmissis specialiter onerantes Devotioni vestræ per Apostolica scripta mandamus, quatenus præmissa sic exactè sic diligenter exequi studeatis, quòd honestati, & famæ præfati Monasterii, ac Personarum ipsius, & observantiæ Religionis in eo, ut premittitur, integrè conservandæ vestrâ industriâ caveatur ad plenum; vestraque devotio præmium exinde apud Deum, & apud Nos opportuni favoris promptitudinem mereaturb.
Datum, ut supra.
-
Bullarium Franciscanum romanorum pontificum, tomus III, n°LXIII., pp.583-584
-
(a) Adversorum &c.: Ut in præcedenti Bulla mutatis competenter verbis, usque ad illa quomodolibet detrahatur.
-
(b) Mereatur: Porrò Blanca obiit Parisiis anno 1312. sepulta in Odæo vulgo Choro Ecclesiæ Fratrum Minorum, sepulchroque marmoreo cum ejus alabastrina figura ex Waddingo ad ann. 1234. num. 24.