Description
-
Urbain IV (1261-1264)
-
Quamdam permutationem pro loco Fratrum Minorum Niorti dilatando Pictavien. Episcopo permittit. (Ex Vaticano Regesto Pontif. epist. 470. tom. 4.)
-
Anno 1264. die 7. Martii.
-
1264
-
URBANUS &c.
Locus dilectorum filiorum Fratrum Minorum de Niortoc Pictaven. Diœcesis, prout accepimus, adeo arctus existit, quod ipsi non possunt in eo, nisi ex quodam fundo, quem juxta illum obtines, amplietur, sine magno ipsorum incommodo commorarid. Sane dilecta in Christo filia Nobilis Mulier Amabilis dicta Anglica Vidua relicta quondam Savarici de Malo Leonee gerens ad Fratres ipsos compassionis affectum quosdam redditus ad ipsam spectantes tecum pro parte ipsius fundi permutare affectat, ut ex hujusmodi parte necessitatibus Fratrum subveniat eorumdem. Unde ex parte Fratrum ipsorum humiliter petebatur a Nobis, ut permutandi partem ipsam dicti fundi pro hujusmodi redditibus cum eadem Nobili tibi licentiam concedere curaremus; præsertim cum per hoc accrescat utilitati Ecclesiæ Pictaven. Nos itaque faciendi permutationem hujusmodi cum consensu tui Capituli, si eidem Ecclesiæ videris expedire, Fraternitati tuæ liberam concedimus auctoritate præsentium facultatem. Non obstante juramento, quod præstitisse diceris, de non alienandis possessionibus ad mensam tuam spectantibus, Romano Pontifice inconsulto.
Datum apud Urbem veterem Nonis Martii, Pontificatus Nostri Anno iii.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CXXIX., p.545
-
(a) Ven. Fratri ‥: N.
-
(b) Pictavien.: Vulgo Poictiers in Aquitania sub Archiepiscopo Burdegalensi.
-
(c) De Niorto: Urbe Aquitaniæ a Pictavio 14. leucis in occasum Rupellam versus, media vero inter Fanum S. Maxentii ad ortum, & Malleacum ad occasum 4. leucis distante ex Baudrando; ubi locus Fratrum Minorum erat 2. Custodiæ Pictavien. in Provincia Turoniæ ex veteri Provinciali Ordinis apud Auctorem Polychronici, & Barthol. Pisanum Conform. xi., ex quo apparet ejus antiquitas parum Annalistæ Franciscano nota.
-
(d) Commorari: Fuit igitur hæc prima loci ampliatio, non fundatio, quæ hucusque latet.
-
(e) De Maloleone: Domini Malaleonum, & Larbusti anno 1285. in Valle Capraria Aquitaniæ Oppido construxerunt Franciscanis domicilium ex Gonzaga apud Waddingum ad eum annum num. 16., estque 3. locus Custodiæ Auxitanæ in Provincia Aquitaniæ juxta vetus Provinciale Ordinis alias & supra cit.