« bullarium-franciscanum-1595 »

URBANUS &c.

Dilectis filiis ‥ Abbati, & Conventui Monasterii S. Sixti Placentin.a ad Romanam Ecclesiam nullo medio pertinentis Ordinis S. Benedicti Salutem, & Apostolicam Benedictionem.

Petitionis vestræ series continebat, quod suggesto dudum fel. recordat. Alexandro Papæ b prædecessori nostro, quod Monasterium vestrum, quod non modica consueverat florere spiritualium, & temporalium ubertate bonorum, adeo erat per negligentiam, & malitiam vestram in utrisque sine spe resurgendi collapsum, quod non poterat in suo aliquatenus Ordine reformari; dictus Prædecessor ... Præposito Ecclesiæ S. Euphemiæc Placentin. primo per litteras suas in virtute obedientiæd, ac postmodum per alias diversas litteras in eadem virtute, ac sub pœna excommunicationise dedit districtius in præceptis, ut personaliter accedens ad locum, & inquirens super hoc de plano, & sine judiciorum strepitu veritatem, si constaret ei sic esse, prædictum Monasterium cum omnibus suis possessionibus, & pertinentiis, & ornamentis ipsius ... Abbatissæ, & Conventui Monasterii S. Franciscif Placentin. Ordinis S. Damiani ad Romanam Ecclesiam nullo medio pertinentis auctoritate Apostolica conferens, & assignans, ipsas, vel Procuratorem earum in corporalem possessionem prædictorum induceret, & tueretur inductas, vobis amotis ab eodem Monasterio S. Sixti, & per alia vestri Ordinis Monasteria congrue collocatis: Contradictores per censuram Ecclesiasticam appellatione postposita compescendo. Idem vero Præpositus præfatum Monasterium S. Sixti cum suis possessionibus, & pertinentiis, ac etiam ornamentis eisdem Abbatissæ, & Conventui contulit auctoritate hujusmodi litterarum; dictusque Prædecessor processum ipsius Præpositi ratum habens, & firmum, ac etiam approbans; supplensque defectum, si quis in eo circa Juris solemnitatem fuit, de Apostolicæ plenitudine potestatis, processum ipsum auctoritate Apostolica confirmavitg; Venerabili Fratri nostro ... Episcopo Placentinoh dictis Abbatissæ, & Conventui super hoc executore concesso. Quare Nobis humiliter supplicastis, ut cum prænominatum Monasterium vestrum, considerata malitia temporis, & habito respectu ad alia Monasteria Placentinæ Civitatis, & Diœcesis, in spiritualibus floreat, & abundet in temporalibus, providere vobis in hac parte paterna sollicitudine curaremus, processum hujusmodi revocando. Nos itaque attendentes, quod Prælati Ecclesiarum ejusdem Civitatis Nobis super hoc per suas litteras testimonium perhibent, processum jam dicti Præpositi super hoc habitum, & quicquid ex eo secutum est, vel ob ipsum, non obstante tali confirmatione dicti Prædecessoris, auctoritate Apostolica cassamus, & irritamus, & decernimus nullius existere firmitatis; & imponimus perpetuum silentium super ipso Monasterio S. Sixti, & pertinentiis ejus Abbatissæ, & Conventui memoratis. Nulli ergo &c. nostræ cassationis, irritationis, & constitutionis infringere &c. Si quis &c.

Datum Viterbii xiv. Kalendas Maji, Pontificatus Nostri Anno Primo.