Description
-
Alexandre IV (1254-1261)
-
Indulgentia visitantibus Ecclesias nostri Ordinis diebus festis B. V. Mariæ, & S. Francisci. (Ex Apographo apud Indiculum Bullarii Seraph. Petri de Alva.)
-
Anno 1260. die 28. Januarii.
-
1260
-
ALEXANDER &c.
Universis Christifidelibus præsentes litteras inspecturis Salutem, & Apostolicam Benedictionem.
Vitæ perennis gloria, qua mira benignitas Conditoris omnium &c.a Rogamus itaque Universitatem vestram, & hortamur in Domino in remissionem vobis peccaminum injungentes, quatenus ad Ecclesias dilectorum filiorum Fratrum de Ordine Minorum imploraturi a Domino delictorum veniam in humilitate spiritus accedatis. Nos enim, ut Christifideles quasi per præmia salubriter ad salutem invitemus &c.b, qui ad dictas Ecclesias in singulis festivitatibus B. Mariæ Virginis, & die festo Beati Francisci Confessoris causa devotionis accesserint annuatim, centum dies de injuncta sibi pœnitentia misericorditer relaxamus.
Datum Anagniæ v. Kalen. Februarii, Pontificatus Nostri Anno Sexto.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°DXXX., pp.-382
-
(a) Omnium &c.: Vide Bullam 167. anno 1256. die 25. Februar., & 187. die 8. Maji datam.
-
(b) Invitemus &c.: Ut in dictis Bullis, aliisque similibus.