Description
-
Alexandre IV (1254-1261)
-
Ut nonnullos Academicos Parisien. compellant ad revocandas propositiones falsas, & Ordinibus FF. Prædicatorum, ac Minorum injuriosas sub pœna &c. (Ex Monumentis Ord. Minor. p. 25., Boulæo to. 3. Hist. Parisien., & Bullario Ord. Prædicat. tom. 1. Bul. 152. Alex. IV.)
-
Anno 1257. die 30. Martii.
-
1257
-
ALEXANDER &c.
Venerabilibus Fratribus Turonen., & ‥ Rothomagen. Archiepiscopisa , & ‥ Episcopo Parisien.b Salutem, & Apostolicam Benedictionem.
Non sine multa cordis amaritudine &c.c Volumus, & per Apostolica vobis scripta districte præcipiendo mandamus, quatenus ad requisitionem dilectorum filiorum Prioris Fratrum Prædicatorum, & Guardiani Fratrum Minorum Parisien., vel alterius eorum, per vos, aut alios, inquirentes de plano, & sine strepitu judicii &c.d auxilio brachii carissimi in Christo Filii nostri Regis Franciæ illustris, si necesse fuerit, invocato. Nos enim nihilominus auctoritate præsentium districtius inhibemus, ne quisquam præmissa, vel aliquod præmissorum pertinaciter astruere, vel quomodolibet defensare præsumat; quicumque vero id præsumpserit, tamquam contumax, & Ecclesiæ Romanæ rebellis ab omnibus Fidelibus habeatur; contra quem etiam taliter procedemus, quod pœna condigna ipsum pro sua temeritate feriet; & alii ejus exemplo perterriti a præsumptione simili frænabuntur. Ne autem aliquis ex ignorantia velamen excusationis assumat; vobis districte præcipimus, ut ad requisitionem dictorum Prioris, & Guardiani Parisius, & in aliis locis, in quibus expedire videritis, præsentes litteras, & earum tenorem publicetis; & faciatis solemniter publicari. Non obstantibus aliquibus litteris, vel indulgentiis &c.e Litteris Venerabilibus Fratribus nostris Patriarchis, Archiepiscopis, & Episcopis generaliter a Nobis directisf in suo robore duraturis. Vos autem memoratos Fratres &c.g Quod si non omnes his exequendis potueritis interesse, duo vestrum ea nihilominus exequantur.
Datum Laterani iii. Kalen. Aprilis, Pontificatus Nostri Anno Tertio.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCCXX., p.211
-
(a) Turonen. et Rothomagen. Archiepisc.: Ut in not. (b) ad præcedentem epistolam.
-
(b) Episcopo Parisien.: Ut ibi no. (c)
-
(c) Amaritudine &c.: Vide præcedentem Bullam Patriarchis, Archiepiscopis, & Episcopis datam usque assensu minime requisito.
-
(d) Sine strepitu Judicii &c.: Ut ibi usque animadversione debita percellentes.
-
(e) Vel Indulgentiis &c.: Ibidem usque in Concilio generali.
-
(f) A nobis directis: præcedentibus videlicet.
-
(g) Memoratos Fratres &c.: Usque obligemur, ubi dicta epistola desinit.