Description
-
Alexandre IV (1254-1261)
-
Indulgentias, quæ transfretantibus in Terræ Sanctæ subsidium conceduntur, his ibi usque ad ultimum vitæ insistentibus elargitur. (Ex Autographo Conventus Sacri Montis Sion in Palæstina, & inde in Bullario Terræ Sanctæ nuper edito pag. 7.)
-
Anno 1257. die 29. Martii.
-
1257
-
ALEXANDER &c.
Dilectis filiis ... Ministro, & Fratribus Ordinis Minorum de Provincia Syriæa Salutem, & Apostolicam Benedictionem.
Ex relatu fide dignorum accepimus, quod vos populo Christiano pro defensione Fidei contra Saracenos illarum partium præliantib non sine periculo personarum vestrarum olim fideliter astitistis: & ita pro eodem populo in prædicationibus, ac salutaribus monitis, & audiendis suis confessionibus laboratis, quod nonnulli Fratrum vestrorum ibi degentium insistentes hujusmodi pietatis operibus impiorum gladiis pro Christi nomine sunt peremptic. Nos itaque ad hæc ferventius exercenda vos quibusdam illectivis, & salutiferis præmiis animare volentes de Omnipotentis Dei misericordia, & Beatorum Petri, & Pauli Apostolorum ejus auctoritate confisi vobis, & universis, ac singulis vestrum vere pœnitentibus, & confessis in Provincia Terræ Sanctæ præmissis, & aliis piis operibus, quantum in vobis fuerit, usque ad ultimum vitæ insistentibus illam concedimus peccatorum veniam, quæ transfretantibus in ejusdem Terræ subsidium in Generali Conciliod est concessa.
Datum Laterani iv. Kalendas Aprilis, Pontificatus nostri Anno Tertio.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCCXVIII., p.209
-
(a) De Provincia Syriæ: Alias Terræ Sanctæ, ut in distributione Provinciarum Ordinis anno 1260. a S. Bonaventura facta, & apud Waddingum in Annal. Min. ad eum annum relata num. 14., ubi hæc Provincia duabus conflabatur Custodiis Cypri, & Syriæ; ita quoque extat in veteri Provinciali Ordinis apud autorem Polychronici, & apud Barthol. Pisanum Conform. xi.
-
(b) Prælianti: Nota sunt bella Christianorum cum Saracenis pro tuenda Terra Sancta usque ad annum 1291., quo funditus amissa est, atque adeo Custodia Syriæ nostri Ordinis, sequenti postmodum seculo ex parte recuperata.
-
(c) Sunt perempti: Quorum nomina, numerum, & tempus, quo passi sunt, nemo hactenus litteris mandavit; estque hæc prima horum mentio Martyrum anonymorum.
-
(d) In generali Concilio: Lateranensi iv. sub Innocentio III. anno 1215. celebrato prope finem, nimirum omnium peccatorum omnimodam pœnæ remissionem vulgo plenariam Indulgentiam.