Description
-
Innocent IV (1243-1254)
-
Redemptiones votorum Crucesignatorum, & Legata pro subsidio Terræ Sanctæ Episcopo Wigornien. a Lincolnien. Episcopo, & Fr. Joanne Anglico O. M. assignata confirmat. (Ex Regesto Vatic. ep. 125. anno 8.)
-
Anno 1250. die 17. Septembris.
-
1250
-
INNOCENTIUS &c.
Cupientes tuam honorare personam libenter precibus tuis benignum accomodamus auditum; easque liberaliter, quantum cum Deo possumus, exaudimus. Significasti siquidem Nobis, quod cum olim tibi, & Venerabili Fratri nostroc ‥ Lincolnien. Episcopod colligendi in Regno Angliæ redemptiones votorum Crucesignatorum, obventiones, & Legata deputata subsidio Terræ Sanctæ distribuenda inter Crucesignatos ejusdem Regni, prout expedire videritis, concessimus potestateme; idem Lincolnien, & Frater Johannes Anglicus f de Ordine Minorum Nuntius noster in eodem Regno tibi, qui Crucesignatus existis, priusquam præmissa carissimo in Christo filio nostro ‥ Illustri Regi Angliæ essent concessa per Nosg, redemptiones votorum Crucesignatorum, obventiones, & Legata hujusmodi in tua Civitate, ac Diœcesi assignarunt. Nos igitur tuis supplicationibus inclinati assignationem, seu concessionem hujusmodi, cum in concessione prædictorum Regi eidem facta concessiones, & assignationes prius factas salvas voluerimus remanere, auctoritate Apostolica confirmamus, & præsentis Scripti patrocinio communimush. Nulli ergo omnino hominum liceat hanc paginam nostræ confirmationis infringere, vel ei ausu &c.
Datum Lugduni xv. Kal. Octobris Pontificatus Nostri Anno Octavo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCCXLII., p.555
-
(a) Ven. Fratri …: Valtero de Cantilupo, quem ferunt ab anno 1236. usque ad ann. 1267. sedisse.
-
(b) Episcopo Wigornien.: In Anglia vulgo
Warcesten.sub Archiepiscopo Cantuariensi. -
(c) Fratri nostro …: Roberto Capitono al.
Grossetesteviro doctissimo, scriptisque clarissimo, qui ab anno 1234. ad ann. usque 1253., quo vivere desiit, Episcopalem Cathedram moderatus est. -
(d) Lincolnien. Episcopo: In Anglia al. Lindum, & vulgo Lincolne sub prædicto Archiepiscopo Cantuarien.
-
(e) Concessimus potestatem: Cujus concessionis tempus, & epistola neque nobis, neque Annal. Eccles. conditori innotuit.
-
(f) Fr. Johannes Anglicus: Jam ab anno 1246. nuncius Apostolicus erat in Anglia ex litteris Pontificis Quotidiana persecutionis &c. Abbati S. Albani eo anno die 4. Octobris scriptis, ut ibi.
-
(g) Concessa per nos: Ista quoque concessio latuit Odor. Raynaldum, qui solum ad hunc annum n. 27. refert, Angliæ Regem
Henricum, audita Christianorum in Ægypto strage, Sanctique Ludovici captivitate, una cum Alphonso Castellæ Rege, ac maxima Procerum multitudine defendendæ Christianæ religionis causa induta Cruce se devovisse. -
(h) Communimus: Cum autem his Collectoribus Pontifex substituisset Episcopum Cicestren., & Archidiaconum Exessien., Wigorniensis Antistes a Pontifice postulavit, ut sibi liceret reddere rationem de pecuniis collectis, expensis, & assignatis in eo munere ex epist.
Cum sicut venerabilis &c.hoc anno die 18. Octobris data, ut infra.