Description
-
Innocent IV (1243-1254)
-
Concessionem Ecclesiæ SS. Trinitatis cum Ecclesia Sanctæ Mariæ in Campo ab Archiepiscopo Mediolanensi Ordini Humiliatorum factam confirmat. (Regestum Vatic. epist. 56. anno 8.)
-
Anno 1250. die 20. Augusti.
-
1250
-
INNOCENTIUS &c.
Dilectis filiis a … Magistro, & Fratribus Ordinis Humiliatorum b Salutem, & Apostolicam Benedictionem.
Cum a Nobis petitur, quod justum est, & honestum; tam vigor æquitatis, quam Ordo exigit rationis, ut per sollicitudinem Officii nostri ad debitum perducatur effectum. Sanè vestra petitio Nobis exhibita continebat, quod Venerabilis Frater nosterc ‥ Mediolanensis Archiepiscopus diligenter attendens, quod Ecclesia SS. Trinitatis tunc Ordinis Sancti Benedicti sita juxta Suburbium Portæ Cuman. Civitatis Mediolanensis eidem Archiepiscopo immediatè subjecta; propter incuriam habitantium in eadem adeo erat in spiritualibus, & temporalibus deformata, quod non poterat in Ordine suo commodè reformari; Ecclesiam ipsam cum Ecclesia Sanctæ Mariæ in Campo ad dictam Ecclesiam Sanctæ Trinitatisd pleno jure spectante Mediolanensis Diœcesis cum omnibus juribus, possessionibus, & pertinentiis suis, prout ad eumdem spectabat Archiepiscopum, sui Capituli accedente consensu, Vobis, & Ordini Humiliatorum duxit deliberatione provida conferendam, statuens, ut idem Ordo Humiliatorum ibidem perpetuis temporibus inviolabiliter observetur; prout in litteris inde confectis dicitur plenius contineri. Vestris igitur supplicationibus inclinati, quod super hoc ab eodem Archiepiscopo providè factum est, ratum, & gratum habentes, id auctoritate Apostolica confirmamus, & præsentis Scripti patrocinio communimus. Nulli ergo omnino hominum liceat hanc paginam nostræ confirmationis infringere, vel ei ausu &c.
Datum Lugduni xiii. Kal. Septemb. Pontificatus Nostri Anno Octavo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCCXL., pp.553-554
-
(a) Filiis ‥: Beltramo Sothore ex 231.
Bullahujus Pontificis anno sequenti die 25. Junii data, & in tom. I. Bullarii Ord. Prædicat. legenda. -
(b) Humiliatorum: Mediolani primariam sedem obtinentium, ubi & eorum suppressionis causa, & Auctor post longa tempora ortum habuit.
-
(c) Frater noster ‥: Leo de Perego: de quo paulo superius actum est.
-
(d) Ecclesiam SS. Trinitatis: Quæ suppresso extinctoque Humiliatorum Ordine concessa fuit ad usum Seminarii, seu aliorum Collegiorum, Congregationum, & Hospitalium Mediolanen. ex dispositione Sancti Caroli Borromæi Archiepiscopi Mediolanen., ut habetur in Bulla
Quoniam per extinctionem &c. S.Pii V. anno 1571. die 8. Februar. edita in tom. 5. Bullarii Ord. Prædicat.