Description
-
Innocent IV (1243-1254)
-
Ut Episcopum Cathalaunen. in controversia cum suo Metropolitano auctoritate Apostolica absolutum fuisse a Censuris Ecclesiasticis annunciet, ubi viderit expedire. (Regestum Vatic. epist. 304. anno 3.)
-
Anno 1245. die 25. Novembris.
-
1245
-
INNOCENTIUS &c.
Dilecto filio … Guardiano Domus Ordinis Fratrum Minorum Cathalaunen. Salutem, & Apostolicam Benedictionem.
Cum super quæstionibus, quæ inter Venerabiles Fratres nostros ‥ Archiepiscopum Rhemen. ex parte una, & ‥ Suessionen., ‥ Cathalaunen., & ‥ Tornacen. Episcopos, & quosdam alios Prælatos, Capitula, & Conventus Provinciæ Rhemen. ex altera agitari noscuntur; tam idem Archiepiscopus, quam præfati Episcopi spontanei se supposuerunt nostro, & Fratrum nostrorum beneplacito, & mandato; Nos eosdem Episcopos ab omnibus excommunicationis, suspensionis, & interdicti sententiis in eos generaliter, vel specialiter per præfatum Archiepiscopum, vel ejus auctoritate prolatis de prædictorum Fratrum consilio absolvi fecimus ad cautelam, cum eis super irregularitate, si quam attraxerunt, exindè dispensantes mandamus, quatenus præfatum Episcopum Cathalaunen. ab eisdem sententiis, prout præmissum est, absolutum auctoritate nostra publicè nunties, & facias etiam per loca, in quibus expedire videris, nuntiari, contradictores per Censuram Ecclesiasticam appellatione postposita compescendo; non obstante indulgentia, qua Fratribus Ordinis Fratrum Minorum a Sede Apostolica dicitur esse concessum, ne de causis ab eadem Sede sibi commissis cognoscere teneantur.
Datum apud Cluniacum vii. Kal. Decemb. Pontificatus Nostri Anno Tertio.
-
Epistola superiori Pontifex huic Cathalaunensis Cœnobii moderatori potestatem fecit absolvendi Prælatos, Capitula, Conventus, aliasque quaslibet personas Civitatis, ac Diœcesis Cathalaunen. ab Eccles. Censuris; ac vero ejusdem Civitatis Episcopum ab eisdem sententiis absolutum injungit, ut ubi opus fuerit, enunciet.Et in eumdem modum
Guardianis Domus Ordinis Fratrum Minorum Suessionen., &Tornacen.pro Episcopis earumdem Civitatum. (Ex cit.Regesto Vatic.ep. 304. anno 3.) -
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CXVI., p.404