Description
-
Grégoire IX (1227-1241)
-
Mandat, ut Benefactores Fratrum Minorum protegantur ab injuriis nonnullorum Prov. Bracaren. (Regest. Vatican. epist. 209. & Waddingus in Reges. Pontif. num. 10.)
-
Anno 1238. die 6. Augusti.
-
1238
-
GREGORIUS &c.
Venerabili Fratri Episcopo, & dilectis filiis Decano, & Magistro Scholarum Auriensi a Salutem, & Apostolicam Benedictionem.
Arbitrantes indignum, quod unde quis Deo gratus haberi dignoscitur, inde ab hominibus contumeliis affligatur, discretionem vestram rogamus, hortamur, & attentè per Apostolica vobis scripta præsentium virtute mandamus, quatenus benefactores dilectorum filiorum Fratrum de Ordine Fratrum Minorum Provinciæ Bracarensisb, qui sic, ut accepimus, pro eo, quod ipsis benefaciunt, multis afficiuntur injuriis, & jacturis, opportuni favoris gratia prosequentes, ipsos in personis, aut rebus occasione hujusmodi non permittatis molestari. Molestatores &c. Non obstantibus &c. Quod si non omnes &c. Tu Frater Episcope &c.
Datum Anagniæ viii. Idus Augusti, Pontificatus Nostri Anno Duodecimo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCLXX., pp.-247
-
(a) Auriensi: In Galæcia, ac Provincia S. Jacobi, ubi Cœnobium, & Custodiam hujus nominis habuerunt Minoritæ ex veteri Provinciali Ordinis.
-
(b) Bracarensis: In Regno Lusitaniæ vulgo
Portugalliæ; ubi non solum Fratres Minores, ut in præcedenti epistola, sed etiam eorum benefactores injuriis afficiebantur.