Description
-
Grégoire IX (1227-1241)
-
Commendat infrascriptis Fratres Minores, ut ipsis permittant habere Oratoria, & in Parochiis suis prædicare verbum Dei; eorum Cœmeteria benedicant requisiti &c. (Extat
Authographumin Archivo Conventus Montis Sion, &Transumptum Authenticumin Archivo Aracœlit., inde apudQuaresmiumlib. 1. Dilucidat. Terræ Sanctæ, & inBullario peculiariTerræ Sanctæ Bul. 1.) -
Anno 1230. die 1. Februarii.
-
1230
-
GREGORIUS &c.
Venerabilibus Fratribus Antiochensi a , & Jerosolymitano b Patriarchis Apostolicæ Sedis Legatis, ac universis Archiepiscopis, & Episcopis, & dilectis filiis Abbatibus, Prioribus, Præpositis, Decanis, Archidiaconis, & aliis Ecclesiarum Prælatis, ad quos Litteræ istæ pervenerint, Salutem, & Apostolicam Benedictionem.
Si Ordinis Fratrum Minorum Religionem attenditis, poteritis plenè cognoscere, quod temporalia bona non cupiunt, cum ex eorum institutione sufficientiam suam in paupertate posuerint, & eam præcipuè sint professi; sicque sibi favorem vestrum, cum expetierint, eo facilius impenderitis, quominus præsumitur, quod ipsi quærant, vel ambiant commodum temporale. Quapropter Universitatem vestram monemus, & hortamur attentè, quatenùs si aliquis Fidelium, vel iidem ad opus ipsorum construere voluerint Oratoria in vestris Parochiis, cum ipsi salutem quærant animarum, & earum lucris intendant, favorem eis super hoc benevolum præbeatis, liberè permittentes, quibus permissum est a Provinciali Ministroc, viros idoneos in vestris Parochiis proponere verbum Dei. Volumus tamen, quod non percipiant Decimas, Primitias, & oblationes, nec habeant Ecclesiasticam sepulturam nisi pro Fratribus Ordinis prædictid. Præterea cum fueritis requisiti, cœmeteria ad opus ipsorum ab Apostolica Sede sibi concessa benedicere procuretis; nullatenus compellentes eosdem in aliquem interdicti, vel excommunicationis sententiam promulgaree sine mandato Sedis Apostolicæ speciali: mandatum, & præceptum nostrum taliter impleturi, quod Religionis comprobemini zelatores; & Nos vobis magis reddatis inde fauorabiles, & benignos, nec cogamur in eis in hac parte per alios providere.
Datum Perusii Kalendis Februarii Pontificatus Nostri Anno Tertio.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°XLVI., p.59
-
(a) Antiochensi: Raynerio an. 1216. assumpto & 1239. vita defuncto ex Ughello tom. I. Ital. sac. de Episc. Tusculan. num. 17., Thomasino part. 1. lib. 1. cap. 26., & Spondano ad ann. 1239.
-
(b) Hierosolymitano: Girondo, al. Geroldo Valentino Episcopo anno 1227. adlecto, & circa ann. 1240. ex hac vita sublato.
-
(c) Ministro: Temporibus illis loca non recipiebantur a Fratribus sine Ministri illius Provinciæ, in qua loca erant, facultate.
-
(d) Ordinis prædicti: Juxta litteras ejusdem Pontificis incipientes Ita vobis, & Ordini &c. anno 1227. die 26. Julii datas.
-
(e) Sententiam promulgare: Idque ad evitandum odium, & malevolentiam populorum, etiam interdum benefactorum.