« aposcripta-4610 »

Document | aposcripta/notice/79848
plus d'informations

Description

  •  
    Grégoire VII (1073-1085)
  •  
    L'abbé du monastère San Ponziano de Lucques Bernard et ses successeurs.
  •  
    Datum vii Kal. Madii, anno mlxxiiii, indictione xi.
  •  
    1074/04/25

  •  
    Latran
  •  
    Bulle (ad perpetuam rei memoriam)
  •  
    [Autre copie médiévale] B. ITALIE, Lucques, Archivio di Stato. Copialurkunde des 12 Jahrh. ohne Datum.
  •  
    [Autre copie médiévale] B1. ITALIE, Lucques, Archvio di Stato, S. Ponziano 1074. Copie des 13 Jahrh., mit Datum.
  •  
    [Autre copie médiévale] B2. ITALIE, Lucques, Archivio di Stato. Copie des 13 Jahrh., ohne Datum.
  •  
    [Autre copie médiévale] B3. ITALIE, Rome, Biblioteca Chigiana, G. VIII 243, p. 82. Abschrift.
  •  
    [Autre copie médiévale] B4. ITALIE, Lucques, Biblioteca Pubblica, Regestum Cod. Nr. 1 et 11.
  •  
    Ici reprise de Julius von Pflugk-Harttung, Acta pontificum Romanorum inedita. Urkunden der Päpste vom Jahre 748 bis zum Jahre 1197, II, Stuttgart : W. Kohlhammer, 1884 [en ligne], n. 159, p. 123-124.
  •  
    Philippe Jaffé, Wilhelm Wattenbach, Samuel Loewenfeld, Ferdinand Kaltenbrunner, Paul Ewald, Regesta pontificum Romanorum ab condita ecclesia ad annum post Christum natum MCXCVIII, 2e éd. Leipzig, : Veit, 1885-1888, 2 vol., n. 4864 [en ligne].
  •  
    Gregor VII bestätigt dem Abte Bernhard von San Ponziano di Lucca die Besitzthümer und Rechte seines Klosters, welches er in apostolischen Schutz nimmt1.
  •  
    Gregorius episcopus, servus servorum Dei, Bernardo, abbati monasterii sancti Pontiania, Luce constituti, suisque successoribus regulariter ibi ordinandis, in perpetuum.
    Convenit apostolico moderamini pia religione pollentibus benivola compassione succurrere, et poscentium animis alacri devotione impertire assensum. Ex hoc enimb potissimum premium a conditore omnium deo procul dubio promerebimur, dum venerabilia loca, oportune ordinata, ad meliorem fuerint sine dubio statum perducta. Proinde, postulante te, dilecte fili et prenominate abba, quatinus monasterium, cui deo auctore preesse dinosceris, apostolicis privilegiis muniremus, ob reverentiam beatissimi Pontiani martiris, in cuius honore venerabilis ille locus constructus est, precibus tuis benivola concessione annuendum esse destinavimus. Suscipientes igitur prefatum locum et omnia, sibi pertinentia, nec non et congregatione(m) fratrum, inibi deo servientium, in tutelam et defensionem sancte Romanȩ ȩcclesiȩ apostolicȩ tuitionis privilegium ex ea, quamc per beatum Petrum, deo disponente, suscipimus auctoritate concedimus. Confirmantes et cor(r)oborantes eidem venerabili monasterio quȩcumque nunc sive in terris, cultis aut incultis, sive in quibuslibet rebus, mobilibus aut immobilibus, iustȩ habet vel in posterum, deo opitulante, acquirere poterit, quatinus ea ad communem usum fratrum, inibi deo servientium, tam tua, quam successorum tuorum providentia et congrua dispensatione inconvulsa illibataque permaneant. Eadem etiam auctoritate sanccimus, ut eos, qui pia devotione et amore cȩlestis patriȩ mundo abrenuntiantes ibidem ad monasticam vitam regulariter se conferre voluerint, sine omni contraditione cuiuslibet persone ab abbate, qui prod tempore fuerit, cȩterisque confratribus recipi ac teneri liceat. Preterea statuimus et iusta, quod beatus Gregorius Agapito Urbis vetere scripsit episcopoe, firma preceptione censemus, ut nemo fideles christianos, in eodem monasterio sepeliri cupientes, contradicat vel prohibeat, aut elemosinas, quas vivorum aut defunctorum aliquis illuc destinavit, aut pro amore Dei destinaverit, inde evellere aliquo modo subtrahere presumat.
    Si quis vero regum, sacerdotum, clericorum, iudicum ac secularium personarum, hanc constitutionis nostre paginam agnoscens, contra eam venire temptaverit, potestatis honorisque sui dignitate careat, reumque se divino iudicio existere de perpetrata iniquitate cognoscat, et nisi vel ea, quȩ ab illo sunt male ablata, restituerit, vel digna penitentia illicite acta defleverit, a sacratissimo corpore ac sanguine Dei et domini, redemptoris nostri Iesu Christi, alienus fiat, atque in ȩterno examine districte ultionis subiaceat.
    Cunctis autem, eidem loco iusta servantibus, sit pax domini nostri Iesu Christi, ut hic fructum bone actionis percipiantf et apud districtum iudicem premia ȩternȩ pacis inveniant. Amen.
    [Rota] [Monogramme]
    Datum Lateranis, vii Kal. Madii, per manus Petri, sancte Romane ecclesie presbiteri cardinalis ac bibliothecarii. Anno primo pontificatus domni vii Gregorii pape. Anno videlicet dominice Incarnationis mlxxiiii, indictione xi.
  •  
    (a) sancti Pontiani monasterii in B3.
  •  
    (b) Fehlt in B
  •  
    (c) quȩ B
  •  
    (d) pre B
  •  
    (e) episcopo scripsit B
  •  
    (f) precipiant B.
  •  
    1. Vergl. die Urk. 1048–1054 APOSCRIPTA n. 4550. Ich fühle mich dem Herrn Archivar G. Sforza in Lucca für sein vielfaches Entgegenkommen sehr verpflichtet.

Informations

Document
Benjamin Oury (CIHAM (UMR 5648)), dans  APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 79848 (aposcripta-4610), http://telma.irht.cnrs.fr/chartes/en/aposcripta/notice/79848 (mise à jour : 17/05/2024).
http://telma.irht.cnrs.fr/chartes/en/aposcripta/notice/79848
aposcripta/notice/79848
XML  JSON