Description
-
Alexandre II (1061-1073)
-
Les sept cardinaux de Saint-Pierre et tous les autres
-
après 1061 - avant 1073
-
Lettre, général (avant 1198)
-
[Autre copie médiévale] F. ITALIE, Rome, Biblioteca Vallicelliana, Cod. C. 24, fol. 198. Abschrift.
-
Ici reprise de Julius von Pflugk-Harttung, Acta pontificum Romanorum inedita. Urkunden der Päpste vom Jahre 748 bis zum Jahre 1197, II, Stuttgart : W. Kohlhammer, 1884 [en ligne], n. 156, p. 120-121.
-
Alexander II trifft für die Kardinäle von St. Peter und die übrigen Kardinäle die Bestimmung, dass sie den ihnen untergebenen Kapellen gegenüberstehen, wie die Bischöfe ihrem Bisthume1.
-
Alexander, servus servorum Dei, vii cardinalibus2 sancti Petri3 atque omnibus aliis.
[Cappellae sui sint subditae titulis].
Ius ecclesiarum, a sanctis patribus canonice constitutum, necessario ad memoriam compendiose credimus revocandum, qualiter scilicet xxviii titulis eorumque sacerdotibus tota urbs distributa sit, quatenus posteris nostris, quasi epilogio comprehensa lucidiora sint, tum, quia diligentia vestra a nostra dignata est expetere parvitate, quid inde reconstituendum sentiremus, tum quia nostra memoria in tantam capellae provectae sunt elationem, ut nullam penitus suis titulis reverentiam exhibere dignentur. Proinde, quod malorum perditum ire studuit incuria sacerdotum, nos summa cura, ut possibile est, matricalibus reparemus ecclesiis. Placuit tamen, nihil de his temere diffinire, sed diversorum patrum sententiis, quorum auctoritas plurimis approbata declaratur conciliis, et, ut in sanctis invenitur canonibus, ad usum pristinum revocare. Capellae igitur, quae iuris proprii titulorum a sanctis patribus ascribuntur, omni ratione suo subiugandae sunt capiti, adeo, ut quisque cardinalis haud secus aliquid in eis, quae sunt suo subditae titulo, disponat et iudicet, quam episcopi in suo episcopio facere cognoscuntur. Si vero quaeritur, unde talis usus Romanae inolevit ecclesiae, Dionysium papam diligenter attendamus dicentem, Severo enim episcopo scribit4, dicens : De ecclesiis vero parrochianis, unde apostolicam Sedem consulere voluisti, qualiter sint sacerdotibus dividendae, nihil tuae caritati potui melius intimare, quam ut sequaris, quod nos in Romana ecclesia nuper egisse cognoscimur. Ad ecclesias enim singulas singulos presbyteros dedimus, et unicuique ius proprium habere statuimus. Patet igitur, Romanam prius habuisse ecclesiam, quod episcopi inde adipiscentes usque in hodiernum retinent diem, atque omnes capellas, suo subditas episcopio, quasi ius proprium iudicant, ut ab hac ecclesia accepere.
Sed iam dignum est, ut quod socordia atque insolentia sacerdotum multis perditum ivit temporibus, per illos, qui a nobis acceperunt, ad nos redea(n)t, et opere pretium est, ut, si quid a capite in membra descenderit, cum necesse sit, idem a membris in caput ascendat. Rescindatur itaque malorum usus sacerdotum, et quod episcopi de suo habent episcopio, qui hoc de Romana acceperunt ecclesia, illud idem cardinales singulorum titulorum de capellis suae subditis ecclesiae habeant. -
1. Vergl. die Urk. Johanns VIII, bei Mansi,Coll., XVII p. 247 und oben das Nachwort.
-
2. Vergl. Phillips, Kirchenrecht VI, S. 39 ff. ; Hinschius, Kirchenrecht I, S. 312 ff.
-
3. Cardinales S. Petri waren im 12 Jahrhunderte : S. Mariae Transtiberim, S. Chrysogoni, S. Caeciliae, S. Anastasiae, S. Laurentii in Damaso, S. Marci, SS. Martini et Silvestri.
-
4. Jaffé, Reg., 2e éd., n. 139 (XCIX) [en ligne] ; das Citat aus Pseudo-Isidor ist sehr ungenau wiedergegeben.
-
Es lässt sich nicht sicher bestimmen, ob diese Urkunde Alexander II zuzuschreiben ist, doch scheint es der Fall zu sein, hinter ihr steht die Johanns VIII für die Kardinäle, der Mangel einer Datirung und Schlussformel des Conscriptes sprechen dafür. In wie fern das Schriftstück zuverlässig ist, lässt sich nur aus inneren Gründen darthun, äusserlich weicht die Adressirung und die Angabe des Inhaltes von dem Gewöhnlichen ab.
Informations
Document
Benjamin
Oury
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 79843 (aposcripta-4605), http://telma.irht.cnrs.fr/chartes/en/aposcripta/notice/79843 (mise à jour : 16/10/2024).