Description
-
Urbain V (1362-1370)
-
Les évêques de Saint-Bertrand de Comminges, Carpentras et Béziers
-
VII kalendas decembris, anno secundo
-
-
Avignon
-
Lettre, général (après 1198, littere cum filo canapis)
-
[Expédition] E. FRANCE, Nîmes, Archives départementales, H 785, n. 117 (auj. 123). Original sur parchemin en mauvais état, rongé par les ratsa [inventaire en ligne].
-
[Registre de la chancellerie apostolique] R. CITÉ DU VATICAN, Archivio segreto Vaticano, Registra Vaticana 251, f. 173v.
-
Ici reprise de l'abbé Goiffon, Bullaire de l’abbaye de Saint-Gilles, Nîmes : P. Jouve, 1882, CLXVI, p. 220-223 [en ligne].
-
Urbain V (1362-1370). Lettres communes..., éd. Ecole française de Rome et al. 3 t., Paris, 1954-1989, n. 10221, d’après R.
-
Bulle d'Urbain V, datée d'Avignon, nommant plusieurs évêques juges conservateurs des privilèges de l'abbaye de Saint-Gilles.
-
Urbanus episcopus, servus servorum Dei, venerabilibus fratribus .. Convenarum et .. Carpentoracensi ac .. Bitterensi episcopis, salutem et apostoticam benedictionem.
Militanti ecclesie, licet immeriti, disponente Domino, présidentes, circa curam ecclesiarum et monasteriorum omnium solertia reddimur indefessa soliciti, ut juxta debitum pastoralis officii, eorum occurramus dispendiis et profectibus, divina cooperante clementia, salubriter intendamus.
Sane dilectorum filiorum abbatis et conventus monasterii Sancti Egidii, ordinis Sancti Benedicti, Nemausensis diocesis, conquestione percepimus quod nonnulli archiepiscopi, episcopi, aliique ecclesiarum prelati et clerici ac ecclesiastice persone, tam religiose quara seculares, necnon duces, marchiones, comites, barones, nobiles, milites et laici, communia civitatum, universitates opidorum, castrorum, villarum et aliorum locorum et alie singulares persone civitatum et dioceseum et aliarum partium diversarum occuparunt et occupari fecerunt castra, villas et alia loca, terras, domos, possessiones, jura et jurisdictiones, necnon fructus, census, redditus et proventus dicti monasterii et nonnulla alia bona mobilia et immobilia spiritualia et temporalia ad abbatem et conventum ac monasterium predictos spectantia, et ea detinent indebite occupata, seu ea detinentibus prestant auxilium, consilium, vel favorem, nonnulli etiam civitatum, dioceseum et partium predictarum qui nomen Domini in vanum suscipere non formidant eisdem abbati et conventui super predictis castris, villis et locis aliis, terris, domibus, possessionibus, juribus et jurisdictionibus, fructibus, censibus, redditibus, proventibus eorumdem et quibuscunque aliis bonis mobilibus et immobilibus, spiritualibus et temporalibus ac rebus aliis ad abbatem et conventum ac monasterium predictos spectantibus multiplices molestias et injurias inferunt ac jacturas.
Quare dicti abbas et conventus nobis humiliter supplicarunt ut cum eisdem valde reddatur difficile pro singulis querelis ad apostolicam Sedem. habere recursum, providere eis super hoc paterna diligentia curaremus.
Nos igitur adversus occupatores, detentores, presumptores, molestatores et injuriatores hujusmodi, illo votentes eisdem abbati et conventui remedio subvenire, per quod ipsorum compescatur temeritas et aliis aditus committendi similia precludatur, Fraternitati vestre per apostolica scripta mandamus, quatinus vos, vel duo, aut unus vestrum, per vos, vel alium, seu alios, etiam si sint extra loca in quibus deputati estis conservatores et judices, prefatis abbati et conventui efficacis defensionis presidio assistentes, non permittatis eosdem super hiis et quibuslibet aliis bonis et juribus ad abbatem et conventum ac monasterium prediçtos spectantibus ab eisdem vel quibusvis aliis indedite molestari, vel eis gravamina seu dampna, vel injurias irrogari facturi dictis abbati et conventui, cum ab eis vel procuratoribus suis, vel eorum aliquo fueritis requisiti, de predictis et aliis personis quibuslibet super restitutione hujusmodi castrorum, villarum, terrarum et aliorum locorum, jurisdictionum, jurium et bonorum mobilium et immobilium, reddituum quoque, ac proventuum et aliorum quorumcunque bonorum, necnon de quibuslibet molestiis, injuriis, atque dampnis presentibus et futuris in illis videlicet que judicialem requirunt indaginem summarie et de plano, sine strepitu et figura judicii ; in aliis vero, prout qualitas eorum exigerit, justitie complementum occupatores, seu detentores, molestatores, presumptores et injuriatores hujusmodi, necnon contradictores quoslibet et rebelles, cujuscunque dignitatis, status, ordinis vel conditionis extiterit quandocunque et quotiescunque expedierit, auctoritate nostra, per censuram ecclesiasticam, appellatione postposita, compescendo, invocato ad hoc, si opus fuerit, auxilio brachii secularis, non obstantibus felicis recordationis Bonifacii pape VIII predecessoris nostri in quibus cavetur ne aliquis extra suam civitatem et diocesim, nisi in certis exceptis casibus et in illis ultra unam dietam a fine sue diocesis, ad judicium evocetur, seu ne judices et conservatores a Sede deputati predicta extra civitatem et diocesim in quibus deputati fuerint contra quoscunque procedere, sive alii vel aliis vices suas committere, aut aliquos ultra unam dietam a fine diocesis eorumdem trahere presumant ; dummodo ultra duas dietas aliquis, auctoritate presentium non trahatur, seu quod de aliis quam de manifestis injuriis et molestiis et aliis que judicialem indaginem exigunt penis, si secus egerint et in id procurantes adjectis conservatores se nullatenus intromittant, quam aliis quibuscunque constitutionibus a predecessoribus nostris Romanis Pontifîcibus, tam de judicibus delegatis et conservatoribus quam personis ultra certum numerum ad judicium non vocandis, aut aliis editis que nostre possent in hac parte jurisdictioni aut potestati, ejusque libero exercitio quomodolibet obviare, seu si aliquibus comniuniter vel divisim a predicta sit Sede indultum quod excommunicari, suspendi, vel interdici, seu extra, vel ultra certa loca ad judicium evocari non possint per litteras apostolicas non facientes plenam et expressam ac de verbo ad verbum de indulto ejusmodi et eorum personis, locis, ordinibus et nominibus propriis mentionem et qualibet alia indulgentia dicte Sedis generali vel speciali, cujuscunque tenoris extat, per quam presentibus non expressam vel totaliter non insertam nostre jurisdictionis explicatio in hac parte valeat quomodolibet impediri et de qua cujusque toto tenore de verbo ad verbum in nostris habenda sit mentio specialis.
Ceterum volumus, et apostolica auctoritate decernimus quod quilibet vestrum prosequi valeat articulum per alium inchoatum, quamvis idem inchoans nullo fuerit impedimento canonico prepeditus, quodque a data presentium, sit vobis et unicuique vestrum in premissis omnibus et eorum singulis ceptis et non ceptis presentibus et futuris perpetua potestas et jurisdictio attributa, ut eo vigore, eaque firmitate possitis in premissis omnibus ceptis et non ceptis presentibus et futuris et pro predictis procedere ac si predicta omnia et singula eorum a vobis cepta fuissent et jurisdictio vestra et cujuslibet vestrum in predictis omnibus et singulis per citationem vel modum alium perpetuata legitimum extitisset. Constitutione predicta super conservatoribus et alia qualibet in contrarium edita non obstantibus. Presentibus post triennium minime valituris.
Datum Avenion., VII kalendas decembris, pontificatus nostri anno secundo. -
(a) Les lacunes ont été remplies au moyen du n. CLXVIII.– 119 (APOSCRIPTA n. 4412), entièrement semblable, sauf la suscription. Ces lacunes ont été marquées par des caractères italiques.
Informations
Document
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27852 (aposcripta-4410), http://telma.irht.cnrs.fr/chartes/en/aposcripta/notice/27852 (mise à jour : 17/05/2024).