Description
-
Innocent III (1198-1216)
-
L'archevêque de Narbonne et ses suffragants
-
Les frères de l'ordre du Temple
-
V idus decembris, anno secundo
-
-
Latran
-
Titre, général (littere gratiose, cum filo serico)
-
[Original] E. FRANCE, Marseille, Archives départementales des Bouches-du-Rhône, 56 H 5162.
-
Werner Maleczek, d'après E.
-
Schedario Baumgarten, a cura G. Battelli, Città del Vaticano, t. I, 1965, n. 62, p. 16.
-
Bulle d'Innocent III concernant l'excommunication donnée aux persécuteurs des frères de l'ordre du Temple [APO].
-
Innocencius episcopus, servus servorum Dei, venerabilibus fratribus Narbonensi archiepiscopo et suffraganeis eius salutem et apostolicam benedictionem.
Non absque dolore cordis et plurima turbatione didicimus, quod ita in plerisque partibus ecclesiastica censura dissolvitur et canonice sententie severitas enervatur, ut viri religiosi et hii maxime, qui per Sedis apostolice privilegia maiori donati sunt, libertate passim a malefactoribus suis iniurias sustineant et rapinas dum vix invenitur, qui congrua illis protectione subveniat, et pro fovenda pauperum innocentia se murum defensionis opponat. Specialiter autem dilecti filii nostri fratres militie Templi tam de frequentibus iniuriis suis quam de ipso cotidiano defectu iusticie conquerentes universitatem vestram litteris petierunt apostolicis excitari, ut ita videlicet eis in tribulationibus suis contra malefactores eorum prompta debeatis magnanimitate consurgere, quod ab angustiis, quas sustinent et pressuris vestro possint, presidio respirare.
Ideoque universitati vestre per apostolica scripta mandamus et in virtute obedientie districte precipimus, quatinus illos, qui in aliquem de fratribus ipsis manus violentas iniecerint vel res seu domos Templi aut hominum suorum irreverenter invaserint vel ea, que predictis fratribus ex testamento decedentium reliquuntur contra iusticiam retinuerint vel decimas laborum seu nutrimentorum suorum spretis privilegiis apostolice Sedis extorserint, si laici fuerint, eos et principales fautores eorum publice candelis accensis excommunicationis sentencia percellatis, clericos autem, canonicos sive monachos appellatione remota ab officio et beneficio suspendatis neutram relaxaturi sententiam, donec predictis fratribus plenarie satisfaciant, et hii precipue, qui pro violenta manuum iniectione vinculo fuerint anathematis innodati, cum diocesani episcopi litteris ad Sedem apostolicam venientes ab eodem vinculo mereantur absolvi. Villas autem, in quibus bona predictorum fratrum vel hominum suorum per violentiam detenta fuerint, quamdiu ibi sunt interdicti sententie supponatis.
Datum Laterani, V. Id. Decembris, pontificatus nostri anno secundo. -
Inconnue de Potthast, absente des registres.
Informations
Document
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193458 (aposcripta-41149), http://telma.irht.cnrs.fr/chartes/en/aposcripta/notice/193458 (mise à jour : 25/10/2024).