Description
-
Innocent III (1198-1216)
-
Le maître et les frères de l'ordre du Temple
-
II idus decembris, anno primo
-
-
Latran
-
[Original] E. FRANCE, Marseille, Archives départementales des Bouches-du-Rhône, 56 H 5161.
-
Werner Maleczek, d'après E.
-
Joannes Baptista Pitra, Analecta Novissima, Spicilegii Solesmensis, altera continuatio, 2 vol., Paris, 1885-1888, I, n. 57, p. 551-552 [en ligne].
-
Schedario Baumgarten, a cura G. Battelli, Città del Vaticano, t. I, 1965, n. 24, p. 7.
-
Militia Templi in protectionem suscipitur [Pitra].
-
Innocentius episcopus, servus servorum Dei, dilectis filiis .. magistro et fratribus militie Templi, quod Ierosolimis situm est, tam presentibus quam futuris salutem et apostolicam benedictionem.
Quotiens a nobis petitur, quod religioni et honestati convenire dinoscitur, animo nos decet libenti concedere et petentium desideriis congruum suffragium impertiri. Eapropter dilecti in domino filii vestris iustis postulationibus clementer annuimus et prefatam domum seu Templum, in quo estis ad Dei laudem et gloriam atque defensionem suorum fidelium et liberandam Dei ecclesiam congregati, cum omnibus suis ecclesiis, oratoriis, obedientiis, possessionibus et bonis suis, que impresentiarum legitime habere cognoscitur aut in futurum concessione pontificum, liberalitate regum vel principum, oblatione fidelium seu aliis iustis modis prestante domino poterit adipisci tam trans mare quam cis mare felicis recordationis Alexandri et Urbani, predecessorum nostrorum, vestigiis inherentes auctoritate vobis apostolica confirmamus, ut perpetuis futuris temporibus sub apostolice Sedis tutela et protectione consistant, ut autem ad plenitudinem salutis et curam animarum vestrarum nichil vobis desit et ecclesiastica sacramenta et divina officia vestro sacro collegio commodius exhibeantur, sancimus, ut liceat vobis honestos clericos et sacerdotes secundum Deum quantum ad vestram scientiam ordinatos undecumque ad vos venientes suscipere et tam in principali domo vestra quam in obedientiis etiam sibi subditis vobiscum habere idemque nulli alii professioni vel ordini teneantur obnoxii. Preterea fratres vestri et capellani, qui ecclesiis et oratoriis vestris deservunt nulli persone extra vestrum capitulum sint subiecti tibique, dilicti filii magistre, tuisque successoribus tamquam magistro et prelato suo secundum statuta ordinis vestri deferant. Quicumque vero in cimiterio vestro sepeliri elegerint, ad sepulturam recipiendi, educendi et sepeliendi, nisi forte excommunicati vel nominatim interdicti fuerint, facultatem liberam habeatis, salva tamen iustitia illarum ecclesiarum, a quibus mortuorum corpora assumuntur. Quicumque autem vobis de rebus suis a Deo sibi collatis subvenerit et in tam sancta fraternitate se collegam statuerit eisque beneficia persolverit annuatim septimam ei partem iniuncte pertinentie confisi de beatorum Petri et Pauli apostolorum meritis indulgemus.
Decernimus ergo, ut nulli omnino hominum fas sit personas vestras vel domum ipsam temere perturbare seu hanc paginam nostre confirmationis et concessionis infringere vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum eius se noverit incursurum.
Datum Laterani, II. Id. Decembris, pontificatus nostri anno primo. -
Inconnue de Potthast.
Informations
Document
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193401 (aposcripta-41092), http://telma.irht.cnrs.fr/chartes/en/aposcripta/notice/193401 (mise à jour : 25/10/2024).