Description
-
Innocent III (1198-1216)
-
Les archevêques, évêques et abbés, prieurs et les prélats des églises auxquels ces lettres parviendront
-
L'ordre de Prémontré
-
X kalendas julii, anno primo
-
-
Rome, Saint-Pierre
-
Mandement (littere cum filo canapis)
-
[Cartulaire] F. FRANCE, Lille, Archives départementales du Nord, 59 H 95, fol. 3v (cartulaire de Notre-Dame de Vicoigne, XIIIe siècle) [en ligne].
-
Werner Maleczek, d'après F.
-
A faire
-
Innocentius episcopus, servus servorum Dei, venerabilibus fratribus archiepiscopis, episcopis et dilectis filiis abbatibus, prioribus et ceteris ecclesiarum prelatis, ad quos littere iste pervenerint, salutem et apostolicam benedictionem.
Non absque dolore cordis et plurima turbatione didicimus, quod ita in plerisque partibus ecclesiastica censura dissolvitur et canonice sententie severitas enervatur, ut viri religiosi et hii maxime, qui per Sedis apostolice privilegia maiori donati sunt libertate, passim a malefactoribus suis iniurias sustinent et rapinas, dum vix invenitur, qui congrua illis protectione subveniat et pro fovenda pauperum innocentia murum se defensionis opponat.
Specialiter autem dilecti filii nostri abbates et fratres Premonstratensis et ceteri ordinem ipsorum professi tam de frequentibus iniuriis suis quam de ipso cotidiano defectu iusticie conquerentes, universitatem vestram per litteras petierunt apostolicas excitari, ut ita videlicet eis in tribulationibus suis contra malefactores eorum prompta debeatis magnanimitate consurgere, quod ab angustiis, quas sustinent, et pressuris vestro possint presidio respirare.
Ideoque universitati vestre per apostolica scripta mandamus atque precipimus, quatinus illos, qui in aliquem de predictis fratribus instigante diabolo manus violentas iniecerint sive possessiones vel res seu domos Premonstratensis aut aliorum fratrum ipsius ordinis vel hominum suorum irreverenter invaserint aut ea, que predictis fratribus ex testamento decedentium delinquuntur contra iusticiam detinuerint seu in ipsos fratres contra apostolice Sedis indulta sententiam excommunicationis aut interdicti proferre presumpserint vel decimas laborum seu nutrimentorum suorum spretis privilegiis apostolice Sedis extorserunt, si laici fuerint publice candelis assensis excommunicationis sententia percellatis, clericos autem, canonicos sive monachos appellatione remota ab officio et beneficio suspendatis, neutram relaxaturi sententiam, donec predictis fratribus plenarie satisfaciant et hii precipue, qui pro violentia manuum iniectione vinculo anathematis fuerint innodati, cum diocesani episcopi litteris ad sedem apostolicam venientes ab eodem vinculo mereantur absolvi, nisi forte monachi vel canonici regulares per abbates vel priores suos post satisfactionem congruam secundum ordinis disciplinam fuerint absoluti. Villas autem, in quibus bona predictorum fratrum seu hominum suorum per violentiam detenta fuerint, quamdiu ibi sunt, interdicti sententie supponatis.
Datum Rome apud sanctum Petrum, X kalendas iulii, pontificatus nostri anno primo. -
Inconnue de Potthast.
Informations
Document
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193387 (aposcripta-41078), http://telma.irht.cnrs.fr/chartes/en/aposcripta/notice/193387 (mise à jour : 05/11/2024).