Description
-
Innocent III (1198-1216)
-
Le prieur et les frères de la chartreuse de Vaucluse
-
IV kalendas novembris, indictione XIII, MCCIX, anno duodecimo
-
-
Latran
-
Privilège solennel
-
[Original] A. FRANCE, Lons-le-Saunier, Archives départementales du Jura, 27 H 5 (Cote provisoire : 27 H 11/2) (fonds de la chartreuse Notre-Dame de Vaucluse). Bulle manquante, reste de fils de soie jaune et rouge [images en ligne].
-
Antonin Bourquin pour APOSCRIPTA, juillet 2024, d'après A.
-
?
-
Confirmation des privilèges et possessions de la chartreuse de Vaucluse [APO].
-
Innocentius episcopus, servus servorum Dei, Dilectis filiis .. priori et fratribus Vallis Cluse, Cartusiensis ordinis, tam presentibus quam futuris regularem vitam professis in perpetuum.
Religiosam vitam eligentibus apostolicum convenit adesse presidium, ne forte cujuslibet temeritatis incursus aut eos a proposito revocet aut robur, quod absit, sacre religionis infringat.
Eapropter, dilecti in Domino filii, vestris justis postulationibus clementer annuimus, et domum vestram cum omnibus bonis, pascuis et possessionibus quas impresentiarum juste et canonice possidetis, aut in futurum justis modis, prestante Domino, poteritis adipisci, sub beati Petri et nostra protectione suscipimus, et presentis scripti privilegio communimus, et terminos quos domui vestre rationabiliter statuistis, auctoritate apostolica confirmamus.
Ad hec, auctoritate apostolica interdicimus et sub interminatione anathematis prohibemus, nequis infra terminos vestros domus vestre hominem capere, furtum seu rapinam committere, aut ignem apponere, vel homicidum facere audeat, aut homines ad domos vestras venientes, vel redeuntes ab eis quomodolibet perturbare, ut ob reverentiam Dei et loci vestri infra hos terminos non solum vos et fratres vestri, sed etiam alii, plenam pacem habeant et quietem.
Liceat quoque vobis clericos vel laicos, liberos et absolutos, e seculo fugientes, ad convertionem vestram recipere et eos absque ullius contradictione in vestro collegio retinere.
Prohibemus insuper ut nulli fratrum vestrorum post factam in eodem loco professionem, absque licentia prioris sui, fas sit de claustro vestro discedere. Discedentem vero absque communium litterarum cautione nullus audeat retinere.
Sane laborum vestrorum, quos propriis manibus vel sumptibus colitis, sive de nutrimentis vestrorum animalium, nullus a vobis decimas presumat exigere, vel quomodolibet extorquere. Adicientes quoque statuimus, ut infra dimidiam leugum a possessionum terminis quas habetis, nulli religioso liceat possessiones acquirere, vel aliquod edificium fabricare.
Consecrationes vero altarium seu basilicarum, ordinationes clericorum vestrorum, qui ad sacros ordines fuerint promovendi, a diocesano suscipietis episcopo, siquidem catholicus fuerit et gratiam atque communionem apostolice Sedis habuerit, et ea vobis gratis et [aliique] pravitate aliqua voluerit exhibere. Alioquin liceat vobis quemcumque malueritis catholicum adire antistitem, qui nimirum nostra fultus auctoritate, vobis quod postulatur impendat.
Insuper auctoritate apostolica inhibemus, ne ullus episcopus, vel quelibet persona, ad synodos vel conventus forenses vos ire vel judicio seculari de vestra propria substantia vel possessionibus vestris subjacere compellat ; nec ad domum vestram non vocatus causa ordines celebrandi, causas tractandi vel conventus aliquos publicos convocandi venire presumat, nec regularem electionem prioris vestri impediat, aut de instituendo vel removendo eo qui pro tempore fuerit, contra statuta Cartusiensis ordinis, se aliquatenus intromittat.
Porro si episcopi vel alii ecclesiarum rectores in monasterium vestrum vel personas inhibi constitutas suspensionis, excommunicationis vel interdicti sententiam promulgaverint, sive etiam in mercennarios vestros pro eo quod decimas non soluitis, vel aliqua occasione eorum que ab apostolica vobis benignitate indulta sunt, seu benefactores vestros pro eo quod aliqua vobis beneficia vel obsequia ex caritate prestiterint vel ad laborandum adjuverint in illis diebus in quibus vos laboratis et alii feriantur, eandem sententiam protulerint, ipsam tanquam contra Sedis apostolice indulta prolatam duximus irritandam. Nec ulle littere firmitatem habeant, quas tacito nomine Cartusiensis ordinis et contra tenorem apostolicorum privilegiorum constiterit impetrari.
Statuimus etiam ut propter communia interdicta terrarum monasterium vestrum, excommunicatis et interdictis exclusis, a divinis non cogatur officiis abstinere.
Obeunte vero te nunc ejusdem loci priore vel tuorum quolibet successorum, nullus ibi qualibet surreptionis astucia seu violentia preponatur, nisi quem fratres communi consensu vel fratrum major pars consilii sanioris, secundum Deum et approbata vestri ordinis instituta, providerint eligendum.
Decernimus ergo, ut nulli omnino hominum liceat monasterium vestrum temere perturbare, aut ejus possessiones auferre, ablatas retinere, minuere seu quibuslibet vexationibus fatigare ; sed omnia integra conserventur, eorum pro quorum gubernatione ac sustentatione concessa sunt, usibus omnimodis profutura ; Salva in omnibus apostolice sedis auctoritate, et diocesani episcopi canonica justitia. Siqua igitur in futurum ecclesiastica, secularisve persona, hanc nostre constitutionis paginam sciens, contra eam temere venire temptaverit, secundo tertiove commonita, nisi reatum suum digna satisfactione correxerit potestatis, honorisque sui careat dignitate, reamque se divino judicio existere, de perpetrata iniquitate cognoscat, et a sacratissimo corpore ac sanguine Dei et Domini Redemptoris nostri Jesu Christi, aliena fiat, atque in extremo examine districte subjaceat ultioni.
Cunctis autem eidem loco sua jura servantibus, sit pax Domini nostri Jesu Christi, quatinus et hic fructum bone actionis percipiant et apud districtum judicem premia eterne pacis inveniant. Amen. Amen. Amen.
(Au centre :)
(Rota) Ego Innocentius, catholice ecclesie episcopus, subscripsi. (Benevalete)
† Ego Petrus Portuensis et Sancte Rufine episcopus, ss.
† Ego Johannes Albanensis episcopus, ss.
† Ego Johannes Sabinensis episcopus, ss.
† Ego Nicholaus Tusculanus episcopus, ss.
(A gauche :)
† Ego Cinthus, tituli Sancti Laurentii in Lucina presbiter cardinalis, ss.
† Ego Cencius, Sanctorum Johannis et Pauli presbiter cardinalis tituli Pamachii, ss.
† Ego Petrus, tituli Sancti Marcelii presbiter cardinalis, ss.
† Ego Benedictus, tituli Sancte Susanne presbiter cardinalis, ss.
† Ego Leo, tituli Sancte Crucis in Jerusalem presbiter cardinalis, ss.
† Ego Rogerius, tituli Sancte Anastasie presbiter cardinalis, ss.
(A droite :)
† Ego Gregorius, Sancti Georgii ad Velum Aureum diaconus cardinalis, ss. Sanctȩ Mariȩ in Cosmidyn diaconus cardinalis, ss.
† Ego Guala, Sancte Marie in porticu diaconus cardinalis, ss.
† Ego Octavianus, Sanctorum Sergii et Bachi diaconus cardinalis, ss.
† Ego Johannes, Sanctorum Cosme et Damiani diaconus cardinalis Sanctȩ Mariȩ in porticu, ss.
Datum Laterani per manum Johannis Sancte Marie in Cosmydyn diaconus cardinalis, Sancte Romane Ecclesie cancellarii, IIII kalendas novembris, indictione XIIIa, Incarnationis dominice anno Mo.CCo.IXo, pontificatus vero domni INNOCENTII pape III anno duodecimo. -
Inconnue de Potthast.
Informations
Document
Antonin
Bourquin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193328 (aposcripta-41019), http://telma.irht.cnrs.fr/chartes/en/aposcripta/notice/193328 (mise à jour : 17/09/2024).