Description
-
Boniface VIII (1294-1303)
-
à renseigner
-
XV kalendas ianuarii, pontificatus nostri anno septimo
-
-
Latran
-
n.c.
-
[Expédition] E. Barcelone, Arxiu de la Corona d’Aragó, Ordes religiosos i militars, armari 23, carpeta 141, núm. 95. a Butlla perduda.
-
[Registre de la chambre apostolique] R. CITÉ DU VATICAN, Archivio apostolico Vaticano, Registra Vaticana??, fol. ??.
-
Ici reprise de Tilmann Schmidt, Roser Sabanés i Fernández, Butllari de Catalunya : documents pontificis originals conservats als arxius de Catalunya (1198-1417), Barcelone : Fondació Noguera, 2016, 3 vol., I [en ligne], n. 608.
-
n.c.
-
Georges Digard, Maurice Faucon, Antoine Thomas, Robert Fawtier, Les registres de Boniface VIII. Recueil des bulles de ce pape, Paris : Albert Fontemoing (BÉFAR), 1884-1939, n. ??? [en ligne].
-
?
-
?
-
Potthast, Regesta pontificum Romanorum, n. ??? [en ligne].
-
?
-
Bonifaci VIII mana a l’abat del monestir de Montaragó, al sagristà de l’església de Jaca de la diòcesi d’Osca i al prior dels predicadors d’Osca decidir la qüestió del manament del bisbe de Lleida (Pere del Rei) en contra dels privilegis de la Seu Apostòlica entre aquest bisbe de Lleida i el preceptor i els frares de l’orde del Temple de Jerusalem d’Aragó i Catalunya, sobre la quantitat a pagar per participar en el subsidi a la ciutat de Lleida. [Schmidt et Sabanés i Fernandez].
-
Bonifatius episcopus servus servorum Dei, dilectis filiis.. abbati monasterii Montis Aragonum et.. sacriste ecclesie Iaccensis Oscensis diocesis ac.. priori Predicatorum Oscensi salutem et apostolicam benedictionem.
Sua nobis dilecti filii.. preceptor et fratres domus Militie Templi Ierosolimitani in Aragonia et Cathalonia petitione monstrarunt, quod cum venerabilis frater noster.. episcopus Ilerdensis asserens quod ipse et dilecti filii capitulum ecclesie Ilerdensis universitati civitatis Ilerdensis quandam dare et solvere subsidii nomine promiserant pecunie quantitatem, fratribus dicte domus et aliis capellanis deservientibus in ecclesiis et capellis quas iidem preceptor et fratres in civitate et diocesi Ilerdensi in proprios usus canonice obtinent et in quibus prout eis ex apostolico privilegio competit, faciebant per fratres capellanos eiusdem domos vel alios in divinis officiis deserviri, minus iuste mandasset, ut sibi quandam pecunie summam pro contributione dicti subsidii infra certum terminum solvere procurarent, ex parte ipsorum preceptoris et fratrum fuit coram eodem episcopo excipiendo propositum, quod cum ipsi cum omnibus ecclesiis ac capellanis quas in proprios usus habebant et in quibus faciebant per fratres capellanos eiusdem domus seu alios prout ex eodem ipsis competebat privilegio deserviri a prestatione vel contributione quorumlibet subsidiorum locorum ordinariis vel quibuscumque aliis faciendis per alia specialia Sedis apostolice privilegia forent liberi et exempti ac predictas ecclesias et capellas in quibus deserviri per huiusmodi fratres dicte domus et alios faciebant in usus obtinerent predictos ac obtinuissent tempore concessionis dictorum privilegiorum, prout ipsi per exhibitionem eorundem privilegiorum et alias erant legitime docere parati ad solucionem pecunie minime tenebantur et ad id compelli de iure non poterant debebant, et quia dictus episcopus eos super hoc audire denegans ad solutionem dicte pecunie nichilominus contra cogebat eosdem, ipsi sentiem entes ex hoc indebite se gravari ad Sedem apostolicam appellarunt ac dictus episcopus huiusmodi appellatione contempta ecclesias et capellas predictas ecclesiastico supposuit interdicto ac nichilominus ad ecclesiam de Vallobar Ilerdensis diocesis personaliter accedens Ferrarium de Lileto presbiterum eiusdem domus et nonnullos alios pro ipsis preceptore et fratribus in eadem ecclesia commorantes in ipsorum preceptoris et fratrum gravem iniuriam fecit carcerali custodie mancipari, libros vasa argentea ornamenta ecclesiastica et nonnulla alia bona ipsius ecclesie usui deputata ad dictam domum spectantia ibidem inventa secum exinde nequiter asportando, propter que dicti preceptor et fratres iterato ad Sedem appellarunt eandem.
Quocirca discretioni vestre per apostolica scripta mandamus, quatinus vocatis qui fuerint evocandi et auditis hinc inde propositis quod iustum fuerit appellatione postposita decernatis, facientes quod decreveritis per censuram ecclesiasticam firmiter observari. Non obstante si tibi prior vel fratribus tui ordinis a Sede apostolica sit indultum, quod de causis seu negotiis que vobis a Sede committantur eadem, vos intromittere minime teneamini absque speciali mandato ipsius Sedis faciente plenam et expressam ac de verbo ad verbum de indulto huiusmodi mentionem. Quod si non omnes hiis exequendis potueritis interesse, duo vestrum ea nichilominus exequantur.
Datum Laterani, XV kalendas ianuarii, pontificatus nostri anno septimo. -
n. c.
Informations
Document
Ponzio
Manon
(Université Lumière de Lyon), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193064 (aposcripta-40794), http://telma.irht.cnrs.fr/chartes/en/aposcripta/notice/193064 (mise à jour : 01/07/2024).