Description
-
Alexandre IV (1254-1261)
-
L'abbé de Sant Pere de Galligants, diocèse de Gérone, le prieur de Sant Miquel del Fai, diocèse de Vic, et le chanoine de Barcelone Pere Albert
-
II idus aprilis, anno septimo
-
-
Latran
-
Mandement (littere cum filo canapis)
-
[Expédition] E. Barcelona, Arxiu de la Corona d’Aragó, Reial Cancelleria, Butlles, lligall 14, núm. 7. Restes de cordelette de chanvre, bulle perdue.
-
Ici reprise de Tilmann Schmidt, Roser Sabanés i Fernández, Butllari de Catalunya : documents pontificis originals conservats als arxius de Catalunya (1198-1417), Barcelone : Fondació Noguera, 2016, 3 vol., I [en ligne], n. 405.
-
n. c.
-
Schedario Baumgarten, II, n. 2978, p. 183.
-
Francesc Miquel Rosell, Regesta de letras pontificias del Archivo de la Corona de Aragón, Sección Cancillería Real (Pergaminos), Madrid, 1948, n. 186, p. 104.
-
Ildefonso Rodríguez de Lama, La documentación pontificia de Alejandro IV (1254-1261), Rome : Instituto Español de Historia Eclesiástica, 1976, n. 507, p. 474-475.
-
Alexandre IV mana a l’abat del monestir de Sant Pere de Galligants, diòcesi de Girona, al prior de Sant Miquel del Fai, diòcesi de Vic, i al canonge de Barcelona Pere Albert, que prenguin declaració al bisbe de Vic (Bernat de Mur) i a l’abat de Sant Joan de Ripoll (les Abadesses) de l’orde de sant Agustí, amb motiu del plet en litigi sobre la subjecció d’aquest a aquell. El papa havia comissionat abans, a tal efecte, el mestre Delfí de Naples, capellà seu, més tard l’abat de Sant Pere de Rodes i altres col·legues seus que no compliren l’encàrrec i, posteriorment, el cardenal diaca Octavi (Ubaldini) de Santa Maria in Via Lata, que subcomissionà el bisbe electe Marino de Tropea, sense resultat [Schmidt, Sabanés i Fernandez].
-
Alexander episcopus, servus servorum Dei, dilectis filiis .. abbati sancti Petri de Gallicantu Gerundensis, .. priori sancti Michaelis de Fallio Barchinonensis diocesium et Petro Arberti canonico Barchinonensi, salutem et apostolicam benedictionem.
Cum olim in causa que inter venerabilem fratrem nostrum .. Vicensem episcopum ex parte una et .. abbatem et conventum monasterii sancti Iohannis Rivipolensis ordinis sancti Augustini Vicensis diocesis super subiectione ipsius monasterii ex altera vertitur, dilectum filium magistrum Dalfinatem de Neapoli capellanum nostrum dedissemus partibus auditorem ac lite coram eo legitime contestata de causa huiusmodi non posset plene liquere et propter hoc utraque pars ad suam intentionem fundandam intenderet producere quosdam testes dilecto filio .. abbati monasterii sancti Petri de Rosis suisque collegiis receptionem huiusmodi testium et quedam alia causam ipsam contingentia duximus per nostras litteras committenda. Set abbate et collegiis eisdem commissionem huiusmodi non exequentibus nos tandem dilecto filio nostro O(ctaviano) sancte Marie in Via lata diacono cardinali dedimus eisdem partibus auditorem, qui post factas quasdam positiones ab utraque parte et responsiones subsecutas ad eas cum intenderet ab apostolica sede recedere, causam ipsam audiendam dilecto filio Marino Tropensi electo commisit.
Verum quia utraque pars per nonnullos testes intentionem suam probare intendit, discretioni vestre per apostolica scripta mandamus, quatinus testes quos eedem partes super articulis vobis una cum interrogatoriis ipsarum partium ab eodem electo sub suo sigillo transmissis duxerint producendos infra quatuor menses post receptionem presentium prudenter recipere ac secundum eadem interrogatoria diligenter examinare curetis.
Si vero alterutra partium testes alterius voluerit reprobare, vos testes alios qui super reprobatione huiusmodi fuerint hinc inde producti infra duos menses predictos quatuor immediate sequentes sapienter recipere ac examinare diligentius studeatis, depositiones omnium predictorum testium fideliter in scriptis redactas sub vestris sigillis inclusas ad nostram presentiam quantotius transmissuri. Prefixo eisdem partibus termino peremptorio competenti, quo per se vel procuratores idoneos cum omnibus rationibus et munimentis suis causam ipsam contingentibus compareant coram nobis iustam dante domino sententiam recepture. Testes autem qui fuerint nominati si se gratia odio vel timore subtraxerint, per censuram ecclesiasticam appellatione remota cogatis veritati testimonium perhibere. Quod si non omnes hiis exequendis potueritis interesse, duo vestrum ea nichilominus exequantur.
Datum Laterani, II idus aprilis, pontificatus nostri anno septimo. -
n. c.
-
n. c.
Informations
Document
Filippo
Sarra
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 172515 (aposcripta-24008), http://telma.irht.cnrs.fr/chartes/en/aposcripta/notice/172515 (mise à jour : 17/03/2022).