Description
-
Grégoire IX (1227-1241)
-
L'abbé de Saint-Pierre de Lagny
-
Kalendas februarii, anno septimo
-
-
Latran
-
Mandement (littere cum filo canapis)
-
[n.c.]
-
Lucien Auvray, Les registres de Grégoire IX, Paris (École française de Rome), 1890-1955, n. 1750.
-
?
-
n. c.
-
Abbati Latiniacensi mandat quatenus P. de Cantaleu, G. de Bezarans et W., burgenses Latiniacenses, et quosdam pro eis fidejussorie obligatos, compellat ut Parentio et Andreae fratribus, civibus Romanis, de pecunia eis debita satisfaciant [Auvray].
Le pontife demande à ce que des citoyens du village annexe, ainsi que des habitants des diocèses de Paris et de Meaux, restituent l’argent emprunté à Parenzo et à son frère Andrea, « ses fils bien-aimés » [Trivellone]. -
.. abbati Latiniacensi, Parisiensis diocesis.
Exhibita nobis dilectorum filiorum Parentii et Andree fratrum, civium Romanorum, petitio continebat quod, cum olim P. de Cantaleu, G. de Bezarans et W., burgenses Latiniacenses, Parisiensis et Meldensis diocesum, quandam pecunie quantitatem, quam Bonu[m]cuntrus Friderici crucesignatus, Turkius et eorum socii, cives Lucani, qui suam super hoc cesserunt plenarie dictis fratribus actionem, prout in confecto exinde instrumento continetur plenius, fiducialiter deposuera[n]t apud eos, contra juramentum prestitum detinerent, iidem cives tam a bone memorie Honorio papa, predecessore nostro, quam a nobis diversas contra eos litteras ad diversos judices impetrarunt. Tandem vero dictis burgensibus, nec non et P. Morez, J. de Toring[niaco], Rain[aldo] et eorum sociis, qui se pro eis fidejussorie obligarant et principales constituerant debitores, quia in ejusdem pecunie solutione cessabant, per quosdam judicum predictorum vinculo excommunicationis astrictis, post diversos habitos hinc inde processus, dicti cives, pro varietate commissionum hujusmodi fatigati laboribus et expensis, quasdam a nobis ad .. cantorem Trecensem suosque collegas obtinuerunt litteras, continentes ut, facientes sibi obtentas hinc inde litteras exhiberi, partes ad illos remitterent, ad quos jurisdictionem noscerent pertinere; injuncto eis ut in commisso sibi negotio absque dispendio more, appellationis impedimento cessante, procederent juxta traditam eis formam. Cumque prefati judices, bone memorie R., predecessore tuo, expresse consentiente ac renuntiante jurisdictioni quam habebat per quasdam litteras apostolicas super hoc obtentas ad ipsum, ad .. decanum Sancti Stephani Trecensis et suos conjudices partes, de juribus litterarum cognito, remisissent, idem predecessor tuus in eorum presentia promisit spontaneus quod, si civibus placeret eisdem, eorum sub jurisdictione sua manentium bona sasiret, ac eis de fructibus satisfieri faceret eorundem; alioquin bonis ipsis preconia voce ad vendendum expositis, plus offerenti faceret ea tradi, vel, emptoribus non inventis, illa daret memoratis civibus in solutum; quibus hoc acceptantibus, et in eorundem bonorum possessionem inductis ac percipientibus fructus aliquandiu ex eisdem, et premissa excommunicationis sententia cautione prestita relaxata, tam idem abbas quam predicti debitores ac fidejussores, nolentes quod promiserant adimplere, prefatos cives de bonorum ipsorum possessione facientes violenter expelli, quedam ex eis vendiderunt in fraudem, emptoribus eorundem fraudis hujusmodi non ignaris; propter quod eosdem fidejussores ac debitores in excommunicationis sententiam reducentes, eandem singulis diebus dominicis et festivis1 mandaverunt innovari sollempniter et ipsos tanquam excommunicatos ab omnibus artius evitari, heredes eorum qui postea decesserunt, ipsorum exigente contumacia, excommunicationis vinculo nichilominus astringentes. Sed, eodem predecessore tuo ad Sedem Apostolicam ab ipsis judicibus, ut dicitur, appellante, negotium ipsum remansit hactenus in suspenso. Quare jamdicti fratres nondum potuerunt justitiam obtinere. Quia vero fratribus memoratis in jure suo deesse non possumus, qui sumus omnibus in justitia debitores, mandamus quatenus, si est ita, cum debitores ac fidejussores, ut dicitur, sub tua jurisdictione consistant, et in eos spiritualem et temporalem habeas potestatem, ipsos et defunctorum heredes ut eisdem Romanis de pecunia ipsa, cum justis et moderatis expensis et debita satisfactione dampnorum, usuris omnino cessantibus, ac de perceptis de bonis ipsis fructibus a dejectionis tempore, in solutionem ipsius pecunie convertendis, satisfaciant, ut tenentur, tradita tibi potestate compellas. Alioquin damus dilectis filiis .. decano et .. cantori Sancti Stephani, et .. archipresbitero Sancti Johannis Trecensis nostris litteris in mandatis, ut te ad id per censuram ecclesiasticam, appellatione remota, cogere non postponant.
Nullis litteris veritati et justitie prejudicantibus etc. —
Datum...
Scriptum est illis [decano et cantori Sancti Stephani, et archipresbytero Sancti Johannis Trecensis]. -
(a) ?
-
(b) ?
-
(c) ?
-
(d) ?
-
(e) ?
-
(f) ?
-
1. .
-
2. ?
-
3. ?
-
Alessia Trivellone, « Par-delà les cathares : conflits de pouvoir et hérésie dans le diocèse de Lucques (XIIe-XIVe diècles) », Revue Historique, 691, 2019, p. 577-627 [en ligne], à la note 80.
Informations
Document
aposcripta
admin
(IRHT), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 167499 (aposcripta-19003), http://telma.irht.cnrs.fr/chartes/en/aposcripta/notice/167499 (mise à jour : 14/12/2023).