Description
-
Nicolas IV (1288-1292)
-
universitati magistrorum et scolarium Parisiensium
-
X kalendas aprilis, anno quinto
-
-
Rome, Sainte-Marie-Majeure
-
Mandement (littere cum filo canapis)
-
[Registre de la chancellerie apostolique] Duo originalia in Arch. nat. Paris., J. 277, n° 68, cum sigillo filis seric. flav. et rub. coloris appenso. In parte aversa : « P. Theatinus ». Infra : « ℟. » ; intra : « Script. cap° », juxta : «
xxx ». Pertinebat ad Arch. Univers. (A. 10. b.). N° 68 bis eadem bulla cum sigillo. A parte aversa : « P. Theatinus ». Et : « Littera Nicolay ut magistri Parisienses possint legere ubique ». Pertinebat etiam ad Arch. Univers. (A. 10. a.). — Reg. Vat. Nicolai IV, an. 5, ep. 30, fol. 193b. — Launoius, De scholis celebrioribus, cap. 59, art. 8, Bulaeus, III, 449, Jourdain, n° 265, bullam perperam Nicolao III tribuunt annoque tertio, sicut postea Potthast, ascribunt. Recte Bibl. nat. Paris., ms. lat. 9950, fol. 24, ex Reg. nat. Picard. ; Cod. Harcur., fol. 40b ; Arch. Univers. Paris. Reg. 94. p. 50, n° 40. Nicolaus IV jam an. 1291, Augusti 18, Universitati scholarium Bononiae commorantium idem privilegium concessit. Reg. Vat., an. 4, ep. 415. Sarti, De archigym. Bonon. professoribus, II, 59. Quae ex his in Universitate Oxoniensi evenerint, enarrat Maxwell Lyte, A history of the University of Oxford (London, 1886), p. 96 sq. -
Ici reprise de Henri Denifle, Émile Châtelain, Chartularium Universitatis Parisiensis. II. Ab anno MCCLXXXVI usque ad annum MCCCL, Paris : Delalain, 1889, n. 578, p. 54 [en ligne].
-
?
-
?
-
Nicolaus IV Universitati Parisiensi concedit privilegium docendi regendique ubique terrarum sine ullo praevio examine.
-
Nicolaus episcopus servus servorum Dei dilectis filiis universitati magistrorum et scolarium Parisiensium, salutem et apostolicam benedictionem.
Dum attente considerationis indagine perscrutamur quod per litterarum studia cooperante illo a quo omne datum optimum omneque donum confluit et perfectum, viri efficiuntur scientiis eruditi, per quos scripturarum veritas explicatur, erudiuntur rudes, provecti ad altiora concrescunt et fides catholica invalescit, libenter loca ubi pollent hujusmodi studia et studentes in eis gratis munimus immunitatibus et libertatibus honoramus. Cupientes itaque ut studentes in agro scientie apud civitatem Parisiensem ad magisterii bravium animentur et in facultatibus, in quibus cathedra decorari meruerint magistrali, cunctos ubique valeant erudire, presentium tenore decernimus, ut quicunque ex Universitate vestra apud civitatem predictam ab illis, per quos consuevit licentiandis in dictis facultatibus auctoritate apostolica regendi licentia elargiri, prout est ibi hactenus observatum, examinatus et approbatus fuerit et ab eis licentiam obtinuerit in theologie vel juris canonici aut medicine seu liberalium artium facultatibus, ex tunc absque examinatione vel approbatione publica vel privata vel aliquo alio novo principio regendi atque docendi ubique locorum extra civitatem predictam liberam habeat facultatem[1], nec a quoquam valeat prohiberi, non obstantibus aliquibus contrariis consuetudinibus vel statutis ; et sive velit regere sive non in facultatibus prelibatis, pro doctore nichilominus habeatur. Nulli ergo, etc., nostre constitutionis, etc.
Dat. Rome apud S. Mariam Majorem X kalendas Aprilis, pontificatus nostri anno quinto. -
1. ?
-
2. ?
-
3. ?
-
1. Hoc privilegium non erat novum in Universitate ; sed quoniam in quibusdam Universitatibus (ut postea in Anglia et apud Montempessulanum, ut concludere possumus ex instrumento n° 734 infra edito) magistri licentiati Parisiis ad actus magistrales exercendos non admittebantur sine novo examine, privilegium expressum summi pontificis petebatur. Cf. et Not. et extraits, XXVII, 2, p. 115.
Informations
Document
aposcripta
admin
(IRHT), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 164577 (aposcripta-17011), http://telma.irht.cnrs.fr/chartes/en/aposcripta/notice/164577 (mise à jour : 20/09/2021).