Description
-
Honorius IV (1285-1287)
-
universis canonicis ecclesie Parisiensis
-
Kalendas aprilis, anno primo
-
-
Rome
-
Mandement (littere cum filo canapis)
-
[Registre de la chancellerie apostolique] Duo originalia in Arch. nat. Paris., L. 272, ni 9 et 9bis cum sigillo. Vidimus officialis Paris. anni 1307 ibid. n° 9ter. A tergo scriptura ejusdem temporis invenitur : « Capitulum Parisiense habet privilegium, quod non potest citari ab Universitate nec pena infligi si non vadat, et utinam persone ecclesiastice Paris. haberent tale vel melius. Item capitulum habet privilegium quod scolares non possunt capere domos ad taxationem et quod non teneatur ad contributionem, cujus copiam vobis mitto, alias mittam copiam aliorum », et infra : « Tradatur Emanueli procuratori Capituli Paris. » — Magnum Pastorale, ibid. LL. 175, p. 573. Guérard, Cartul. de l’église Notre-Dame, II, 394.
-
Ici reprise de Henri Denifle, Émile Châtelain, Chartularium Universitatis Parisiensis. II. Ab anno MCCLXXXVI usque ad annum MCCCL, Paris : Delalain, 1889, n. 533, p. 4 [en ligne].
-
?
-
?
-
Honorius IV enuntiat canonicos Parisienses insistentes Parisiis studio litterarum non teneri ad contributionem pro debitis Universitatis.
-
Honorius episcopus servus servorum Dei dilectis filiis universis canonicis ecclesie Parisiensis salutem et apostolicam benedictionem.
Peticio vestra nobis exhibita continebat quod, licet canonici Parisienses insistentes Parisius studio litterarum compelli non consueverint ad contribuendum in expensis et collectis, quas ab universitate magistrorum et scolarium Parisiensium fieri contingebat, immo per bone memorie .. archiepiscopum Remensem et G., episcopum Autisiodorensem[1], habentes ad hoc a sede apostolica potestatem, ne ad contributionem hujusmodi tenerentur fuerit declaratum, tamen pretextu quarundam litterarum, per quas felicis recordationis Martinus papa, predecessor noster, dilectis filiis .. abbati et .. cancellario monasterii Sancte Genovefe Parisiensis dedisse dicitur in mandatis ut omnes illos de dicta Universitate, qui duos solidos parisiens. in communi bursa cum sociis in septimana ponerent ad contribuendum in expensis et collectis predictis, monitione premissa, per censuram ecclesiasticam, appellatione postposita, coartarent[2], dicti abbas et cancellarius ad instantiam dicte Universitatis super hujusmodi contributione vos impetunt et ad eam vos artare conantur. Quare nobis humiliter supplicastis ut providere vobis ne per easdem litteras molestemini dignaremur, presertim cum vos studio Parisius insistendo in hospitiis cum propriis familiis sine aliis sociis habitetis, nec quicquam cum aliquibus in communi bursa ponatis, sed vos ipsi pro vobis et dictis familiis faciatis expensas[3]. Nos igitur, vestris supplicationibus inclinati, auctoritate vobis presentium indulgemus ut, premissis veris existentibus, vos taliter ipsi studio immorantes auctoritate dictarum litterarum ad contribuendum in expensis et collectis hujusmodi minime teneamini, nec ad id per eosdem abbatem et cancellarium compelli aliquatenus valeatis. Nulli ergo, etc. Si quis autem, etc.
Dat. Rome apud Sanctam Sabinam kalendas Aprilis, pontificatus nostri anno primo. -
1. ?
-
2. ?
-
3. ?
-
1. Cf. Chartul., tom. I, p. 482. — 2. Cf. ibid. nis 512, 513. — 3. V. ibid. n° 520.
Informations
Document
aposcripta
admin
(IRHT), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 164568 (aposcripta-17002), http://telma.irht.cnrs.fr/chartes/en/aposcripta/notice/164568 (mise à jour : 20/09/2021).