Description
-
Martin IV (1281-1285)
-
L'abbé et le chancelier de Sainte-Geneviève de Paris, OSA
-
Nonas martii, anno tercio
-
-
Orvieto
-
Mandement (littere cum filo canapis)
-
[Registre de la chancellerie apostolique] Apographum coaevum in Arch. nat. Paris. M. 67a, n° 10. Vide supra n° 512.
-
Ici reprise de Henri Denifle, Émile Châtelain, Chartularium Universitatis Parisiensis. I. Ab anno MCC usque ad annum MCCLXXXVI, Paris : Delalain, 1889, n. 513, p. 601 [en ligne].
-
Bulaeus Hist. univers. Paris., III, 463.
-
Factum ou remarques sur l'élection des officiers de l'université, Paris 1668, p. 95.
-
Potthast, Regesta pontificum Romanorum, n. 22112 [en ligne].
-
Abbati et cancellario S. Genovefae provinciam dat consulendi, ut unusquisque magistorum et scholarium Parisiensium duos solidos Parisienses singulis hebdomadibus pro necessariis universitatis expensis persolvat [Potthast].
-
Martinus1 episcopus, servus servorum Dei dilectis filiis abbati et cancellario monasterii Sancte Genovefe Parisiensis, ad Romanam ecclesiam nullo medio pertinentis, ordinis sancti Augustini, salutem et apostolicam benedictionem.
Ad statum universitatis magistrorum et scolarium Paris. pacificum conservandum dicti magistri et scolares opem debent et operam vigilantibus studiis impertiri ; tunc enim laudabiliter studendo proficiunt et proficiendo student, cum inter eos invicem voluntatum viget idemptitas, regnat pax stabilis, perfecta caritas perseverat.
Sane, didicimus quod in expensis necessariis quas pro Universitatis ipsius commodis ex justa et rationabili causa fieri contingit interdum, nonnulli ex eis contribuere pro sua voluntate recusant ; propter quod inter eos materia dissensionis et scandali crebrius suscitatur. Unde quia in expensis hujusmodi singuli de universitate magistrorum et scolarium predictorum contribuere justitia exigente tenentur, et ad ipsorum spectare dinoscitur honestatem, ut super hoc non ingeratur ab eis aliqua difficultas, magistros et scolares eosdem per alias nostras sub certa forma litteras rogandos attente duximus et hortandos. Dantes eis nichilominus in mandatis ut eorum singuli, qui duos solidos paris. in communi bursa cum sociis in ebdomada ponunt, super contributione hujusmodi facienda sic prompte ac liberaliter se gerant, ut dissensionis predicte materia que posset non levia generare pericula tollatur omnino, ipsique proinde valeant non immerito commendari.
Nos itaque, paterne sollicitudinis studio ad ipsius Universitatis statum tranquillum et pacificum intendentes ac volentes hujusmodi dispendiis obviare, discretioni vestre per apostolica scripta mandamus quatinus omnes illos de Universitate predicta qui duos solidos predicte monete in communi bursa cum sociis in septimana prout premittitur ponere dinoscuntur ad contribuendum in expensis predictis monitione premissa, auctoritate nostra per censuram ecclesiasticam appellatione remota cogatis.
Non obstante si aliquibus a sede apostolica sit indultum quod interdici, suspendi vel excommunicari non possint per litteras dicte sedis non facientes plenam et expressam de indulto hujusmodi mentionem. Ceterum illud quod ex hujusmodi contributione proveniet, per vos colligi volumus, et collectum rectori, decanis facultatum et procuratoribus quatuor nationum per vos cum integritate restitui in ipsius Universitatis arca, per rectorem decanos et procuratores predictos fideliter deponendum et convertendum per ipsos in solutionem hujusmodi expensarum.
Dat. apud Urbem Veterem nonas Martii, pontificatus nostri anno tercio. -
1. Martinus IV conventui S. Genovefae amicitia erat conjunctus. In Necrologio ejusdem monasterii legitur ad v kal. April. : « Anniversarium sancte record. domini Martini pape IV, pro quo singulis annis faciendo dedit nobis ij libras parisiens. ad augmentum pictanciarum ». Bibl. S. Genovefae, BB1, 422, fol. 44 [Denifle, Châtelain].
-
n. c.
Informations
Document
aposcripta
admin
(IRHT), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 164563 (aposcripta-16997), http://telma.irht.cnrs.fr/chartes/en/aposcripta/notice/164563 (mise à jour : 20/05/2023).