« aposcripta-7000 »

Innocent II (1130-1143)

Le maître de la Chevalerie du Temple située à Jérusalem, Robert, ainsi que ses successeurs, et les frères

IV kalendas aprilis, indictione II, MCXXXIX, anno quinto

1139/03/29

Latran

Privilège solennel

[Autre copie médiévale] B¹. ESPAGNE, Barcelone, Archivo de la Corona de Aragón, S. Juan, n. 300. Copie du XII^e siècle.

[Autre copie médiévale] B². ESPAGNE, Barcelone, Archivo de la Corona de Aragón, S. Juan, n. 306. Copie du XII^e siècle.

[Copie moderne] C. ESPAGNE, Barcelone, Archivo de la Corona de Aragón, Indices, llegall 19 plec 4 quarden 3. Copie du XVIII^e siècle, sans les souscriptions cardinalices.

[Formulaire, collection de lettres médiévale] Z. ÉTATS-UNIS, Philadelphie, University of Pennsylvania Ms. Codex 64, fol. 76-77 [en ligne]. Réitération (probablement par Innocent III).

[Autre copie médiévale] n. c.

Rudolf Hiestand, Papsturkunden für Templer und Johanniter. Vorarbeiten zur Oriens pontificius, I, Göttingen : Vandenhoeck & Ruprecht (Abhandlungen des Akademie der Wissenschaften in Göttingen, 77), 1972, n. 3, p. 204-210. à compléter.

André d'Albon, Cartulaire général de l'ordre du Temple, 1119?-1150?. Recueil des chartes et des bulles relatives à l'ordre du Temple, Paris : Honoré Champion, 1913, p. 375-379 [en ligne]

Omne datum optimum et omne donum perfectum desursum est descendens a Patre luminum, apud quem non est transmutacio nec vicissitudinis obumbracio1.
Proinde, dilecti in Domino filii, de vobis et pro vobis omnipotentem Dominum collaudamus, quoniam in universo mundo vestra religio et veneranda institutio nuntiatur. Cum enim natura estis filii ire2 et seculi voluptatibus dediti, nunc per aspirantem gratiam Evvangelii non surdi auditores effecti, relictis pompis secularibus et rebus propriis, dimissa etiam spatiosa via que ducit ad mortem, arduum iter quod ducit ad vitam3, humiliter elegistis atque ad comprobandum quod in Dei militia specialiter computemini, signum vivifice Crucis in vestro pectore assidue circumfertis. Accedit ad hoc quod tanquam veri Israelite atque instructissimi divini prelii bellatores, vere karitatis flamma succensi dictum evvangelicum operibus adimpletis, quo dicitur : « Majorem hac dilectionem nemo habet, quam ut animam suam ponat quis pro animis suis »4. Unde etiam, juxta summi Pastoris vocem, animas vestras pro fratribus ponere eosque ab incursibus paganorum defensare minime formidatis et, cum nomine censeamini milites Templi, constituti estis a Domino catholice Ecclesie defensores et inimicorum Christi impugnatores.
Licet autem vestrum studium et laudanda devotio in tam sacro opere, toto corde et tota mente5 desudet, nichilominus tamen universitatem vestram exortamur in Domino atque in peccatomm remissionem, auctoritate Dei et beati Petri apostolorum principis, tam vobis quant servitoribus vestris injungimus, ut, pro tuenda catholica Ecclesia, et ea que est sub paganorum tyrannide, de ipsorum spurcitia cruenda expugnando inimicos Crucis, invocato Christi nomine intrepide laboretis. Ea etiam que de eorum spoliis ceperitis, fidenter in usus vestros convertatis et ne de hiis contra velle vestrum, porcionem alicui dare cogamini prohibemus. Statuentes ut domus seu Templum in quo estis, ad Dei laudem et gloriam atque defensionem suorum fidelium et liberandam Dei Ecclesiam congregati, cum omnibus possessionibus et bonis suis, que inpresentiarum legitime habere cognoscitur aut in futurum, concessione pontificum liberalitate regum vel principum oblatione fidelium, seu aliis justis modis, prestante Domino, poterit adipisci, perpetuis futuris temporibus sub apostolice Sedis tutela et protectione consistat. Presenti quoque decreto sanctimus ut vita religiosa que in vestra domo est, divina inspirante gratia, instituta, ibidem inviolabililer observetur et fratres inibi omnipotenti Domino servientes caste et sine proprio vivant et professionem suam dictis et moribus comprobantes masgistro suo aut quibus ipse preceperit in omnibus et per omnia subjecti obedientes existant. Preterea quemadmodum domus ipsa hujus sacre vestre institutionis et ordinis fons et origo esse promeruit, ita nichilominus omnium locorum ad eam pertinentium caput et magistra in perpetuum habeatur.
Ad hec adicientes, precipimus ut, obeunto te, dilecte in Domino fili Roberte, vel tuorum quolibet successorum nullus ejusdem domus fratribus preponatur nisi militaris et religiosa persona que vestre conversationis habitum sit professa, nec ab aliis nisi ab omnibus fratribus insimul vel a saniori ac puriori eorum parte qui preponendus fuerit, eligatur.
Porro consuetudines ad vestre religionis et officii observantiam a magistro et fratribus communiter institutas nulli ecclesiastice secularisve persone infringere vel minuere sit licitum. Easdem quoque consuetudines a vobis aliquanto temporis observatas et scripto firmatas non nisi ab eo qui magister est, consentiente tamen saniori parte capituli, liceat immutari. Prohibemus autem et omnimodis interdicimus nt fidelitates, hominia sive juramenta, vel reliquas securitates que a secularibus frequentantur nulla ecclesiastica secularisve persona a magistro et fratribus ejusdem domus exigere audeat. Illud autem scitote quoniam, sicut vestra sacra institutio et religiosa militia divina est providentia stabilita, ita nichilominus nullius vite religiosioris obtentu ad locum alium vos convenit transvolare. Deus enim, qui est incommutabilis et eternus, mutabilia corda non approbat, sed pocius sacrum propositum semel inceptum perduci vult usque in finem debite accionis. Quot et quanti sub militari cingulo et clamide terreni imperii Domino placuerunt sibique memoriale perpetuum reliquerunt ? Quot et quanti in armis bellicis constituti pro testamento Dei et paternarum legum defensione suis temporibus fortiter dimicarunt atque manus suas in sanguine infidelium, Domino consecrantes post bellicos sudores, eterne vite bravium sunt adepti ? Videte itaque vocationem vestram, fratres tam milites quam servientes, atque juxta apostolum « unusquisque » vestrum « in qua vocatione vocatus est in ea permaneat »6. Ideoque fratres vestros semel devotos atque in sacro collegio vestro receptos post factam in vestra militia professionem et habitum religionis assumptum revertendi ad seculum nullam habere precipimus facultatem. Nec alicui eorum fas sit post factam professionem semel assumptam crucem dominicam et habitum vestre professionis abicere vel ad alium locum seu etiam monasterium majoris sive minoris religionis obtentu invitis seu inconsultis fratribus aut eo qui magister extiterit...

Datum Laterani per manum Imerici, sancte Romane ecclesie diaconi cardinalis et cancelarii, IIII kalendas aprilis, indictione II^a, Incarnationis dominice anno M^oC^oXXX^oVIIII^o, pontificatus vero domni Innocencii pape II anno V.

1. Jac 1, 17.

2. Eph 2, 3.

6. 1 Cor 7, 20.

Christian Vogel, Das Recht der Templer. Ausgewählte Aspekte des Templerrechts unter besonderer Berücksichtigung der Statutenhandschriften aus Paris, Rome, Baltimore,
Barcelone, Münster : LIT, 2007, notamment p. 38-40.

Pierre Vial, La papauté, l’exemption et l’ordre du Temple, dans Papauté, monachisme et
théories politiques : études d’histoire médiévale offertes à Marcel Pacaut, éd. Pierre Guichard et alii, Lyon : Presses universitaires de Lyon, I, 1994, p. 173-180.

Luis B. García-Guijarro Ramos, Exemption in the, the Hospital and Teutonic Order : Shortcomings of the Institutional Approach, dans The Military Orders. II. Welfare and Warfare, éd. Helen J. Nicholson, Aldershot : Ashgate, 1998, p. 289-293.

?

?

Anglaise : Malcolm Barber, A. K. Bate, The Templars : selected sources, Manchester University Press, 2002, p. 59-