Description
-
Alexandre III (1159-1181)
-
L'évêque de Veroli Faramond ainsi que les consuls, le clergé et tout le peuple de Veroli
-
II Idus decembris
-
-
Bénévent
-
Lettre, général (avant 1198)
-
[Original] E. ITALIE, Veroli, Archivio Capitolare. Perg. ital., br. 0,235, lang 0,165, unten c. 0,014 umgeschlagen, durch 2 Löcher geht die Hanfschnur, deren Blei verloren, Faltung der Breven.
-
Ici reprise de Julius von Pflugk-Harttung, Acta pontificum Romanorum inedita. Urkunden der Päpste vom Jahre 748 bis zum Jahre 1197, II, Stuttgart : W. Kohlhammer, 1884 [en ligne], n. 420, p. 369-370.
-
Philippe Jaffé, Wilhelm Wattenbach, Samuel Loewenfeld, Ferdinand Kaltenbrunner, Paul Ewald, Regesta pontificum Romanorum ab condita ecclesia ad annum post Christum natum MCXCVIII, 2e éd. Leipzig, : Veit, 1885-1888, 2 vol., n. 11470 [en ligne].
-
Alexander III belobt Klerus und Volk von Veroli wegen ihres Verhaltens gegen den Kardinaldiakonen Vitellius, er zeigt ihnen an, dass er denselben abermals als Gesandten nach Campanien zu schicken gedenke und ersucht sie, ihn zu unterstützen.
-
Alexander episcopus, servus servorum Dei, venerabili fratri .F(aramundo) episcopo1 et [dilectis] filiis, consulibus et universo clero et populo Verulano, salutem et apostolicam benedictionem.
Licet in omnibus retroactis obsequiis constantiam simus vestre grati[ssime] devotionis experti, et puritatem fidei certis indiciis et manifestis comprobaverimus argumentis, obsequia tamen a vobis nuper tam magnanimiter, quam ferventer nobis impensa, dilectus filius noster .V(itellius), sanctorum Sergii et Bachi diaconus cardinalis2, a vestris partibus rediens, diligenti nobis et studiosa narratione proposuit, et magnanimitatem vestram in audientia nostra sepius atque sepius iteravit, asserens, quod vos, antiqua devotione ferventer inducti, diligenter sibi in omnibus astitistis et tanquam viri magnanimes et devoti ad nostrum et ecclesie obsequium ultroneos et ad mandatum eius vos exhibuistis promptos et absque aliqua repugnantia preparatos. Quod quidem nobis gratum plurimum et acceptum existit, et exinde constantiam vestre devotionis multimodis in domino laudibus commendamus et dignaa gratiarum prosequimur actione, fervens desiderium et promptam voluntatem habentes, labores et obsequia vestra grata consolatione respicere, et de vestris profectibusb, tam publicis, quam privatis, indefessa sollicitudine cogitare. Ceterum quia predictum cardinalem, quem virum novimus industrium et discretum et de cuius studio et prudentia certam et indubitatam fiduciam obtinemus, in Campaniam duximus remittendum, ut ibidem secundum discretionem et arbitrium suum ad honorem ecclesie et nostrum ordinet et disponat, universitatem vestram per apostolica scripta monemus, mandamus atque precipimus, quatinus eundem cardinalem benignec, sicut tantum virum decet, recipere et congruis studeatis honoribus prevenire et ei, sicut nobis ipsis, in his, que spectant ad ordinationem et dispositionem Campanie et ad universa ecclesie obsequia subiecti et obedientes in omnibus existatis, ita eius mandatis et monitis parituri, quod devotionem vestram, sicut in omnibus, ita et in hoc possimus non inmerito commendare. Predicto quoque cardinali, sicut nobisd ipsis de iure nostro curetis sine repugnantia respondere.
Dat. Beneventi, II Id. decembr. -
(a) di auf Rasur
-
(b) vor pro Rasur
-
(c) igne auf Rasur
-
(d) von Predicto an auf Rasur, deutlich die Art der Datirung zeigend, das Breve ist also ursprünglich mit commendare zu Ende gewesen, worauf das Folgende des Conscriptes noch nachgetragen wurde.
-
1. Faramund, Bischof von Veroli, c. 1160–1181.
-
2. Vitellius, Kardinaldiakon SS. Sergii et Bacchi, 1166–1175.
Informations
Document
Benjamin
Oury
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 143357 (aposcripta-5009), http://telma.irht.cnrs.fr/chartes/en/aposcripta/notice/143357 (mise à jour : 17/05/2024).