Description
-
Clément III (antipape ; 1080-1100)
-
L'église de Ravenne et ses archevêques
-
anno MLXXXVI, anno imperii II, indicione VIIII, III kalendas martii
-
-
Ravenne
-
Privilège solennel
-
[Original] A. FRANCE, Paris, Bibliothèque nationale, nouv. acq. latines 2573, fol. 24, n. 26. Fac-similé publié par le projet « Chartes antérieures à 1121 conservées en France » [en ligne].
-
Ici reprise de l'acte n. 2634 dans « Chartes originales antérieures à 1121 conservées en France », Cédric Giraud, Jean-Baptiste Renault et Benoît-Michel Tock, éds., Nancy : Centre de Médiévistique Jean Schneider ; éds électronique Orléans : Institut de Recherche et d'Histoire des Textes, 2010 (Telma), avec fac-similé [en ligne].
-
Johannes Benedictus Mittarelli, Anselmus Costadoni, Annales camaldulenses ordinis Sancti Benedicti, 9 vol., Venise, 1755-1773, t. 3, p. 39-40 [en ligne].
-
abbé Jacques-Paul Migne, Patrologia Latina 148 (Gregorius VII), Paris 1853, n. 3, col. 830-831 [en ligne].
-
Ingrid Heidrich, Ravenna unter Erzbischof Wibert (1073-1100). Untersuchungen zur Stellung des Erzbischofs und Gegenpapstes Clemens III. in seiner Metropole, Sigmaringen, n. 51, 1984.
-
Jaffé-Loewenfeld, Regesta pontificum Romanorum, 2 vol., Leipzig, 1885-1888, n. 5322 [en ligne].
-
Clément III, anti-pape, confirme les privilèges des papes et les préceptes des empereurs accordés à l'église de Ravenne.
-
CLEMENS, EPISCOPUS, SERVUS SERVORUM DEI, SANCTE RAVENNETI AECCLESIAE OMNIBUSQUE FUTURIS IN ILLA ARCHIEPISCOPIS PER EAM IN PERPETUUM.
Cum omnium ad nos aecclesiarum cura respiciat, et de singulis cogitare conveniat, et ex debito suscepti regiminis omnibus nos providere oporteat, specialiter tamen et maximae Ravennati prospicere debemus aecclesiae, cui presumus Deo propitio ut sponsȩ et filiae. Hujus igitur miserias nimis egre ferentes, et quantum in nobis est amputare volentes, hoc remedii genere hoc consilii antidoto tandem subvenire curavimus, ut consideratis privilegiis decessorum nostrorum Romanorum pontificum, et preceptis imperatorum, quae in archivo nostrae Ravennatis aecclesiae continentur, quecumque in illis leguntur privilegii nostri astipulatione firmetur ut sublatis de cȩtero seminariis litium, nec Romana aecclesia Ravennati aecclesiae, mater filiae suae injuriam faciat, nec matri filia contradicat, sed dignitatem suam utraque possideat. Quod enim melius, quod Deo jucundius, quam scandala tollere, lites reprimere, pacem componere, aecclesiarum concordiae providere? His Deus letatur et gaudet, et talibus super omne sacrifitium placatur muneribus.
Consentientibus igitur et collaudantibus primo cardinalibus nostris, Roberto Sancti Marci, et Anastasio Sanctae Anastasiae, confratribus et coepiscopis nostris, Rolando Tarvisiano, Milone Paduano, Ezlino Vicentino, Fulcone Foro Simphroniensi, Tebaldo Castellano, aliisque quampluribus qui interfuere presentes, hujus nostri privilegii auctoritate firmamus quecumque in privilegiis Romanorum pontificum leguntur, Pauli, Sergii, Pascasii, Leonis, Adriani, Eugenii, Marini, Agapiti, Gregorii, et ceterorum. Item precepta imperatorum, Justiniani, Theodosii, Valentiniani, Ludovuici, Karoli, Ottonis, Chonradi, Heinrici et aliorum, omnes donationes et concessiones illorum, quas Ravennati fecisse per[hi]bentur aecclesiae, tam in episcopatibus quam in abbatiis, comitatibus, exarchatu, ceterisque similibus, quae in privilegiis et preceptis plenius habentur, hujus scripturȩ nostrae assertione munimus, decernentes et auctoritate apostolica statuentes, ut si quis contra hoc nostrum privilegium venire temptaverit, si quis contradictor extiterit, sit anathema maranatha, sitque pars ejus cum Pilato et Herode et Juda traditore
Quod ut certius credatur, et ab omnibus diligentius observetur, sigillo nostro presentes litteras statuimus roborari.
Acta sunt haec Ravennȩ in plenaria synodo in matrice aecclesia, quae dicitur Agie Anastaseos, anno dominice incarnationis millesimo LXXXVI, imperante Heinrico tertio Romanorum augusto, anno imperii ejus II, indicione VIIII, III kalendas martii, et subscripserunt qui presentes erant episcopi, quorum nomina subter annexa sunt.
ROLANDUS Tarvisianus episcopus [subscripsi], laudans et corroborans.
Milo Paduanus episcopus laudans [subscripsi].
HECELINUS Vicentinus episcopus laudans et corroborans [subscripsi].
Informations
Document
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 142104 (aposcripta-4988), http://telma.irht.cnrs.fr/chartes/en/aposcripta/notice/142104 (mise à jour : 17/05/2024).