Description
-
Innocent II (1130-1143)
-
L'abbé du monastère San Savino de Piacenza Laurent et ses successeurs.
-
II idus julii, indictione X, MCXXXIII, anno III
-
-
Crémone
-
Privilège solennel
-
[Cartulaire] B. ITALIE, Piacenza, Biblioteca Comunale, (Stück eines Chartulars) fol. 16, aus dem Nachlasse des Grafen Palastrelli. Abschrift vom 13 Jahrhunderte
-
Ici reprise de Julius von Pflugk-Harttung, Acta pontificum Romanorum inedita. Urkunden der Päpste vom Jahre 748 bis zum Jahre 1197, II, Stuttgart : W. Kohlhammer, 1884 [en ligne], n. 309, p. 269-270.
-
Philippe Jaffé, Wilhelm Wattenbach, Samuel Loewenfeld, Ferdinand Kaltenbrunner, Paul Ewald, Regesta pontificum Romanorum ab condita ecclesia ad annum post Christum natum MCXCVIII, 2e éd. Leipzig, : Veit, 1885-1888, 2 vol., n. 7582 [en ligne].
-
Innocenz II bestätigt dem Abte Laurentius von San Savino di Piacenza die Besitzthümer und Rechte seines Klosters1.
-
Innocentius episcopus, servus servorum Dei, dilecto filio Laurentio, abbati monasterii sancti Savini, quod secus Placentiam situm est, eiusque successoribus regulariter substituendis, in perpetuum.
Desiderium, quod ad religionis propositum et animarum salutem pertinere monstratur, auctore deo sine aliqua est dilatione complendum. Proinde, dilecte in domino fili, Laurenti abbas, tuis rationabilibus postulationibus assensum prebentes, beati Savini monasterium, cui deo auctore preesse dinosceris, apostolice Sedis privilegio communimus. Statuimus enim, ut quascumque possessiones, quecumque bona idem monasterium in presentiarum iuste et legitime possidet, aut in futurum concessione pontificum, largitione regum vel principum, oblatione fidelium, seu aliis iustis modis, prestante domino, poterit adipisci, firma tibi tuisque successoribus et illibata permaneant. In quibus hec propriis (nominibus) annotanda subiunximus : in Placentina civitate ecclesiam sancte Marie, ecclesiam sancte Victorie, et unum hospitale cum omnibus pertinentiis suis, ecclesiam sancti Bartholomei, ecclesiam sancte Trinitatis, ecclesiam sancti Ambrosii cum hospitali, ecclesiam sancti Salvatoris cum quodam hospitali et suis omnibus pertinentiis, curiam Robiani cum duabus ecclesiis, decimis et omnibus ad se pertinentibus. Quicquid etiam infra Castellum Arcuatum et extra possidetis vobis presenti scripto firmamus, castrum Besençonis cum duabus ecclesiis et omnibus ad se pertinentibus, in curte Albiani duas ecclesias cum omnibus pertinentiis, in Pontenuro unam ecclesiam cum suis pertinentiis, curiam Paterne cum duabus ecclesiis, curiam de Turre cum una ecclesia et suis pertinentiis, curiam Conii cum ecclesia et aliis, que ibi iuste possidetis, in marca Ianuensi in valle scilicet Segestina monasterium sancte Victorie cum tribus capellis, quicquid insuper in ecclesiis (et) decimis rationabili discretione in Montearsitio frater noster bone recordationis Sigefredus, Placentinus episcopus2, vestro monasterio noscitur contulisse. In Visilano ecclesiam sancti Georgii, et quecumque alia ibi habetis, curiam Regiam cum ecclesia sancti Savini et omnibus ad eam pertinentibus, curiam Fabiani cum ecclesia sancti Stefani, curiam sanctorum Naboris et Felicis cum ecclesia sancti Savini, in Tavernaco ecclesiam sancte Marie, in curia Fontane petrose ecclesiam sanctorum Savini et Gregorii3 cum aliis omnibus, que iuste inibi possidetis, in Supra rivo ecclesiam sancte Marie cum decimis, hospitale de Trebia cum ecclesia sancti Nicolai, curiam Mose cum ecclesia sancti Savini et omnibus ad ipsam pertinentibus, decimas quoque vinee et brolii episcopi et alterius vinee, que est extra portam sancti Antonini, et piscationes, quas habetis in Pado, a portu Portario usque ad ora Rivi frigidi. Decernimus ergo, ut nulli omnino hominum liceat, prenominatum cenobium temere perturbare, aut eius possessiones auferre vel ablatas retinere, minuere aut aliquibus vexationibus fatigare, sed omnia integra conserventur eorum, pro quorum gubernatione et sustentatione concessa sunt, usibus profutura. Sepulturam sane ipsius loci omnino liberam esse sancimus, ut eorum, qui se illic sepeliri deliberaverint, devotioni et extreme voluntati, nisi forte excommunicati sint, nullus obsistat, salvo nimirum iure parochiane ecclesie. Obeunte vero te, nunc eiusdem loci abbate, vel tuorum quolibet successorum, [nullus] ibi qualibet surreptionis astutia seu violentia preponatur, nisi quem fratres communi consensu, vel fratrum pars consilii sanioris secundum Dei timorem et beati Benedicti regulam previderint eligendum.
Si qua igitur in futurum ecclesiastica secularisve persona, hanc nostre constitutionis paginam sciens, contra eam temere venire temptaverit, secundo terciove commonita, si non satisfactione congrua emendaverit, potestatis honorisque sui dignitate careat, reamque se divino iudicio existere de perpetrata iniquitate cognoscat, et a sacratissimo corpore ac sanguine Dei et domini, redemptoris nostri Iesu Christi, aliena fiat, atque in extremo examine districte ultioni subiaceat. Conservantes autem, intervenientibus beatorum apostolorum Petri et Pauli (meritis), omnipotentis Dei gratiam et eterne vite premia consequantur. Amen. Amen. Amen.
[Rota] Ego Innocentius catholice episcopus ss. [Monogramme]
† Ego Anselmus presbiter cardinalis tit. sancti Laurentii in Lucina ss.
† Ego Iorelmusa presbiter cardinalis tit. sancte Cecilie ss.
† Ego Lucas presbiter cardinalis tit. sanctorum Iohannis et Pauli ss.
† Ego Romanus diaconus cardinalis sancte Marie in porticu ss.
† Ego Gregorius diaconus cardinalis sanctorum Sergii et Bachi ss.
† Ego Stefanus diaconus cardinalis sancte Lucie in Horferib ss.
† Ego Otto diaconus cardinalis sancti Georgii ss.
† Ego Guido diaconus cardinalis sanctorum Cosme et Damiani ss.
Dat. Cremone per manum Aimerici, sancte Romane Ecclesie diaconi cardinalis et cancellariii II idus iulii, indictione X, Incarnationis dominice anno MCXXXIII, pontificatus vero domni Innocentii pape II anno III. -
(a) Kommt in verschiedenen Namensformen vor, von denen einige auf mangelhaftem Lesen beruhen werden : Ioselmus, Goselmus, Goselinus, Iozelinus, Sozilinus. Offenbar sind Iozelinus und Goselinus die besten Formen
-
(b) lies : Horbea (Orphea).
-
1. Poggiali, Mem. Stor. di Piacenza IV, p. 119. Vergl. die Urk. vom 26 März 1179. Der Herr Bibliothekar Avv. Raffaele Gemmi war sehr entgegenkommend.
-
2. Siegfried, Bischof von Piacenza, c. 997–1031.
-
3. Jetzt ist die Kirche von Funtana Pradosa den Heiligen S. Savino und S. Antonio geweiht ; in der Urk. Cölestins III : in curia Fontane Petrose ecclesiam sancti Savini et ecclesiam sancti Gregorii.
-
Rota, Monogramm, Zeugenkreuze etc. der Originalvorlage gut nachgebildet ; danach ist das Monogramm Nr. 2c
Informations
Document
Benjamin
Oury
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 141899 (aposcripta-4799), http://telma.irht.cnrs.fr/chartes/en/aposcripta/notice/141899 (mise à jour : 29/11/2018).