« actes-philippe3-112 »

Pro gubernatore.

<Philip>, par la grace de Dieu rois de France, au governaour de Navarre, salus et amour. Nos vos fasons assavoir que il nous plest bien que vos vous puyssiez acrestre de gent, en tel maniere que nous puyssiez defendre la terre de Navarre encontre les enemis, au quex vos nos avez escrit, que li rois de Castele doit bailler genz et semont de jour en jour pour ce faire, et de vous voez qui soit biens a fayre, uous pourrez semondre Johan Noine et son frere, et Fernant Pere Ponç pour faire le provise que il nos devent. Et le provise devendist vos porrez demander et prandre en la maniere que vous verrez qui sera plus segure chose a la terre et plus prefitable ; et pour ce que nous avons autroe a nostre pere l'apoustole que nous nous soufrerons de ferre guerre au reaume de Castele jugues au primer jour ce mayr pruchien avenir, se il n'estoit eusi que leu nos faist guerre dou reaume de Castele. Sachiez que nos ne volons pas que les genz douz reaume de Navarre facent guerre pour Johan Noine au reaume de Castele ne que il n'i oient an s'aide genz de nostre poer pur guerraer le reaume de Castele, se il n'estoient si vassaut ou de son linage. Et autressi nous ne volons pas que il se recetast en nostre poer, tandis com el feroit guerre au reaume de Castele, et les deniers que il prant de nous nous ne les li donons que pour nostre puise fere quant il en sera requis. D'ou nous volons que nous facez guarder ceste chose en la maniere que nous nous mandons. Doné a Roen le mardi apres les utieves de la miaost.