« actes-philippe3-25 »

Pro Lop Die et sun frere et ses compoignons.

<Philipp>, par la grace de Dieu roys de France, au governeur de Navarre, salus. Nos vos fesons a savoir, que nos Lop Die ne son frere ne ses compoignons n'avon retenuz aincais se sunt partiz de nos san covenance fere o nos. Et si nos a requis le devent dit Lop Die, que nos le sofre sains a demorer en reaume de Navarre par .VII. mois, mes nos ne leur avon pas volu otroer. Si vos mandons que vos diligaument uos preignaiz garde, que par aus ne par leur genz ne veigne domage a la terre de Navarre. Et se Lop Die ou son frere ou alcun de leur compoignons ou de leurs chars, voleint autrez ou reaume de Navarre, si ne le leur sofrisoit pas se vos n'aivez par nos especial commandemant ; et ceus de leur chars compoignons qui sunt an Navarre, nos volons que vos les an facaiz issix, mes il nos plest que il puissent demorer per leur besoignes, et por leur choses recuillir an Navarre par .VIj. jorz tant seulement apres ce que vos auroiz receues cestes lettres ; et tant tout comme vos auroiz receues leur fetes a sauoir que dedeue .VIIj. jorz s'an issent. Et nos plest uncore que Lop Die et son frere et leur compoignons, puissent inques a la touz seinz tant seulement anvoer et ranvoer par la terre de Navarre .I. mesaige .ou. II. ou. IIj., por leur besoignes des ques mesaiges il ne coveigne pas doter que domage an puisse venir a la terre. Donee a Paris le dimanche apres la feste seinte Croiz, au setembre.

Derechiez ne sofrez pas que l'an face nul oustrage a ceus que vos comanderoiz a issir de Navarre ainz les fetes tresier cœitoisement.