« actes_ducs_capetiens_bourgogne-36 »

Général

Analyse

Hugues V, duc de Bourgogne, amortit le don de trois, vignes situées à Dijon, réalisé par son ancien clerc, Jean de Semur, aux religieux de Fontenay.

texte

Nous, Hugues, dux de Bourgoigne, façons savoir à touz que cum nostres amez et feauls clers, mes sires Jehans de Semur, jadis arcedyacre de Flavigney en l’Iglise d’Ostum, au temps que il vivoit, hait doné, pour le remede de l’arme de luy, es religious de Fontenoys, pour eus et pour lour successours, à tous jours mais, les chouses ci après contenues : c’est a savoir environ trois jornauls de vigne aissis ou dit finaige de Dyion ou leu que l’on dit dessus la Fontainne l’abbé ; item environ quatre jornauls de vigne aissis ou dit finaige ou leu que l’on dit en Saunieres, après la vie commune dou Guef ; item environ sept quartiers de vigne aissis ou dit finaige dessus l’argillere Jacot Bauduyn. Les quels vignes dessus dites lidiz messires Jehans dona et baillai es diz religious pour dix livrees de terre. Nous la dite donation volons, loons, ratiffions, confermons et lor amortissons, sauf et retenu à nous et es nostres, nostre garde es dites chouses, nostre ressort, nostre sovereneté, nostre baronie, nostre jurisdicion et touz noz autres droiz et sauf l’autruy droit. En tesmoin de laquel chouse, nous havons fait mettre nostre seaul en ces lettres qui furent faites et données à Aignay le mardi après la feste de la Purification nostre Dame l’an de grace mil trois cenz et douze.

Type

Acte

Publié par

David Bardey (Université de Bourgogne), dans Actes (ducs cap. de Bourgogne)

Crédits

label.quote.actes-ducs-capetiens-bourgogne

Permalien

Identifiant

Exporter

XML JSON