Louis VI, roi de France, donne à l'abbaye de Saint-Denis les serfs Hugues, fils de Simon, et Milesendis, fille de Geoffroi, maire de Saint-Denis, à charge de les affranchir, de les marier et de donner à Hugues la mairie de Toury.

l.1 In nomine Patris et Fi[lii et S]piritus sancti, amen. Ego Lugdovicus Phylipi regis filius, Dei
l.2 gratia rex Francorum co[ns]titutus. Manifesto presentibus et futuris, quod pro reverencia
l.3 Dei, immo pro requie anime mee et nostrorum predecessorum, Hugonem, [Si]monis hominis nostri et
l.4 servi nostri filium, necnon Milesendin, Gaufridi majoris Sancti Dionisii filiam, ȩcclesiȩ beati
l.5 Dionisii mancipamdos ut homines suos concedimus, ut quicquid super eos habebamus prefata
l.6 ecclesia habeat et possideat, absque ulla nostri reclamatione seu alicujus, ita tamen ut prefatus
l.7 Hugo in predictam Milesendin in matrimonium habeat, et majoriam de Toriaco, ut cȩteri
l.8 majores qui eam habuerunt possideat. Ut autem firmum et stabile permaneat, sigillo nostro
l.9 coroborari precepimus. Si quis vero deinceps huic nostro regali decreto obviare temptaverit,
l.10 irrita calumpnia ejus permaneat, et quasi reus nostre majestatis post hac habeatur.
l.11 Actum publice Aurelianis, regnante Lugdovico rege quarto anno, anno ab incarnatio Domini millesimo
l.12 centesimo tercio decimo. Data per manum Stephani cancellarii. S. Lugdovici regis. S. abbatis
l.13 Sancti Dyonisii Adam, qui quando suscepit hoc donum ȩcclesiȩ Sancti Dyonisii, dedit majoriam prefato Hugoni et
l.14 prefatam Milesendin in matrimonium. S. Anselli dapiferi. S. Hugonis constabularii.
l.15 S. Gisleberti buticularii. S. Gidonis camerarii. S. Radulfi comitis.
l.16 S. Guillelmi de Garlanda. [croix]. [sceau].

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 204, n° 356.

DUFOUR (Jean), Recueil des actes de Louis VI, roi de France : 1108-1137, Paris : De Boccard, 1992-1994, 4 vol. (Chartes et diplômes relatifs à l'histoire de France), t. 1, p. 193-194, n° 87.